საკონსტიტუციო ცვლილებებთან დაკავშირებით საპარლამენტო უმრავლესობის ლიდერი არჩილ თალაკვაძე საგანგებო ბრიფინგს გამართავს, გავრცელებული ინფორმაციით თალაკვაძე იმ შეთავაზებებს გააჟღერებს, რომელიც აღნიშნულ თემასთან დაკავშირებით მმართველ გუნდს ოპოზიციური პარტიების მიმართ გააჩნია.

მმართველი გუნდის წევრის გია ვოლსკის თქმით უბარიერო სისტემის ერთჯერადად შემოღები საკითხზე კონკრეტული ინიციატივა არ არსებობს და არჩილ თალაკვაძე განცხადებას არა კონკრეტულად ამ თემაზე, არამედ ოპოზიციასთან შეხვედრის საკითხზე ისაუბრებს:

„ერთ-ერთი საკითხია ბარიერის თემა, რომელიც შესაძლოა ოპოზიციას აინტერესებდეს სხვა თემებთან ერთად და განვიხილოთ საკმაოდ საქმიან ვითარებაში და არა ასეთი შეძახილებით და განცხადებებით წამოწეული. ჯერჯერობით არავითარი ინიციატივა ჩვენ ამ საკითხთან დაკავშირებით არ გაგვაჩნია. იქნება განცხადება თვითონ ოპოზიციასთან შეხვედრის თემასთან დაკავშირებით,“ - განაცხადა გია ვოლსკიმ.