ბესელია რუსი პრანკერების გავრცელებულ აუდიოჩანაწერს "იუმორისტულ ჟანრს" უწოდებს

პოლიტიკა - 13:10, 14 Aug, 2017

2174

„რუსი პრანკერებისა და შს მინისტრის აუდიო ჩანაწერს“ საპარლამენტო უმრავლეობის წევრი ეკა ბესელია სერიოზული პოლიტიკური განსჯის თემად არ მიიჩნევს და აცხადებს, რომ ეს იუმორისტული ჟანრისაა:

„ეს არის იუმორისტული ჟანრი. მე ამას სერიოზულ კონტექსტში ვერ განვიხილავ. ასეთი იუმორისტული შოუს და სკეტჩის ეპიზოდებით შესაძლოა, ნებისმიერი ადამიანი დაკავდეს და ბუნებრივია, მე არც მის ავთენტურობაზე ვისაუბრებ. ეს არ არის ის თემა, რომელიც შეიძლება სერიოზული პოლიტიკური განსჯის საგანი გახდეს",- განაცხადა ბესელიამ.

შეგახსენებთ, რუსმა პრანკერებმა გაავრცელეს აუდიოჩანაწერი, რომლის ავთენტურობა დადგენილი არაა, სადაც პრანკერები არსენ ავაკოვის სახელით სავარაუდოდ გიორგი მღებრიშვილის ესაუბრებიან. საუბრის თემა მიხეილ სააკაშვილის ექსტრადირების საკითხია. ჩანაწერში პრანკერები პირს, რომელიც მათი მტკიცებით საქართველოს შს მინისტრია მიხეილ სააკაშვილის ექსტრადირება სთავაზობენ. პასუხად მღებრიშვილმა საქართველოს ყოფილი პრეზიდენტი უცენზუროდ მოიხსენია და თქვა, რომ საქართველოში მიხეილ სააკაშვილი არ სჭირდებათ, დარჩეს სადაც არის, რადგან ქართულ მხარეს არ სურს მისი გმირად გადაქცევა.