ზუგდიდის რაიონის მოსახლეობა ხელისუფლებისგან დახმარებას ითხოვს. სოფელ კახათისა და დარჩელის მსახლეობამ დღეს გზა გადაკეტა. 400-მდე აქციის მონაწილე ხელისუფების წარმომადგენლებთან შეხვედრას ითხოვდა. გზის გადაკეტვას პოლიციასთან შელაპარაკება მოჰყვა.

ადგილობრივები აცხადებენ, რომ ისინი წელს მოსავლის გარეშე არიან დარჩენილი. აზიურმა ფაროსანამ წელს მათი ნათესები მთლიანად გაანადგურა.

სოფელ დარჩელისა და კახათის მცხოვრებლებმა დღეს პროტესტის ნიშნად, ზუგდიდთან დამაკავშირებელი გზა გადაკეტეს, რასაც პოლიციასთან შელაპარაკება მოჰყვა. 400-მდე ადამიანი ამბობს, რომ პროტესტის უკიდურესი ფორმა ხელისუფლების მათდამი უყურადღებობამ გამოიწვია. ისინი ერთი თვეა, ადგილობრივი ხელისუფლების წარმომადგენელთან შეხვედრას ითხოვენ.

პარაზიტთან ბრძოლას და დაზიანებული ბაღების შეწამვლას ხელისუფლება მოსახლეობას მაისის თვეში დაპირდა, თუმცა პირველი შეწამვლა მხოლოდ ივლისში განხორციელდა.

აქციაზე მოსახლეობასთან ერთად იმყოფებოდნენ ნაცინალური მოძრაობის ზუგდიდის რაიონული ორგანიზაციის წარმომადგენლები.

,,ჩვენ ვიბრძოლებთ ბოლომდე აქციებით რომ ამ ხალხს ზარალი ავუნაზღაუროთ. უკიდურეს ზომებსაც არ მოვერიდებით და თუ ეს ხალხი ხელისუფლებამ გაწირა შიმშილისთვის ამ სეზონზე, ჩვენ დავიცავთ. მოუწევთ სპეციალური კომისიის შექმნა და ზარალის ანაზღაურება თითოეული ოჯახისთვის“ - აცხადებს ნაციონალური მოძრაობის ზუგდიდის საკრებულოს წევრი ანი წითლიძე.