სამეგრელოსა და გალის რაიონებში შექმნილ ვითარებას და ახალ რუსულ მავთულხლართებს პრეზიდენტის მრჩეველი თენგიზ ფხალაძე ეხმაურება. მისი განცხადებით, საქართველო თავისი ტერიტორიის მითვისების არც ერთ ფაქტს არ შეეგუება:

„აღმაშფოთებელია და განსაკუთრებით ცინიზმით არის აღსავსე ეს ნაბიჯი, როდესაც ყველაფერი ხორციელდება იმ ე.წ. ვიზიტის ფონზე, როდესაც რუსეთის ფედერაციის პრეზიდენტი იმყოფებოდა ოკუპირებულ აფხაზეთში და ჩვენ ვხედავთ, როგორი „სტაბილურობა“ მოაქვს მის ასეთ ვოიაჟებს. კიდევ ერთხელ ხაზგასმით აღვნიშნავ, რომ საქართველო არასოდეს არ შეეგუება საკუთარი ტერიტორიის არც ერთი მეტრის ხელყოფას,“ - განაცხადა თენგიზ ფხალაძემ.