სამეგრელოსა და გალის რაიონებში შექმნილ ვითარებას და ახალ რუსულ მავთულხლართებს საქართველოს თავდაცვის მინისტრი ლევან იზორია ეხმაურება. სახელმწიფო მინისტრის თქმით, საქართველო ყველა საერთაშორისო ბერკეტს გამოიყენებს რუსეთის აგრესიული პოლიტიკის წინააღმდეგ:

„ასეთი ქმედებები არ არის მიმართული ამ ტერიტორიების დეოკუპაციისკენ. არადა, ეს აუცილებელი და მნიშვნელოვანი წინაპირობაა იმისთვის, რომ ზოგადად ვისაუბროთ მშვიდობაზე და უსაფრთხოებაზე. აქედან გამომდინარე, ჩვენ, ჩვენს პარტნიორებთან ერთად, ჩვენი ძალისხმევის მაქსიმალური კონსოლიდაციით გავაგრძელებთ დეოკუპაციის და ამ ტერიტორიების არ აღიარების პოლიტიკას უფრო მკაფიოდ და მკაცრად იმისთვის, რომ ამას შემდგომი გაგრძელება არ მოჰყვეს,“ - აცხადებს ლევან იზორია.