ვარკეთილში მდებარე 16 სართულიანი საცხოვრებელი კორპუსის 90 ოაჯახი სადარბაზოს გასხვისებას აპროტესტებს. ადგილობრივები ამხანაგობის სხდომის ოქმის გაყალბებაზე საუბრობენ, რის შედეგადაც კერძო პირზე გასხვისებულ საერთო სარგებლობის ფართობზე მშენებლობა მიმდინარეობს.

მობინადრეები აღნიშნავენ, რომ ამ გადაწყვეტილების შედეგად, იზღუდება სადარბაზოები, სადაც განთავსებულია ლიფტი, კორპუსის სათავსოები. მათი თქმით, საგანგებო ვითარებაში, პრაქტიკულად, შეუძლებელია სიტუაციის მართვა.

„ძნელად მოიძებნება ანალოგი მსგავსი პრობლემისა არამარტო თბილისში, მთელს ქვეყანაში. ვინმეს უნახავს ან გაუგონია, რომ სადარბაზოს 90 პროცენტი კერძო საკუთრებაში გადადიოდეს და 90 ოჯახი, კორპუსში მცხოვრები რჩებოდნენ სადარბაზოს გარეშე? ასეთი პრეცენდენტი არ არსებობს,“ - აცხადებს ნიკა მელია.