„თავისუფალმა დემოკრატებმა“ დღეს გააკეთა განცხადება იმის შესახებ, რომ პარტია 2017 წლის ადგილობრივი თვითმმართველობის არჩევნებში მონაწილეობას არ მიიღებს. თუ რა გეგმები აქვს „რესპუბლიკურ პარტიას“, აღნიშნულზე კომენტარს ხათუნა სამნიძე აკეთებს. მისი თქმით დაგეგმილი არჩევნები უმნიშვნელოვანესია და ისინი არჩევნებში დამოუკიდებლად მიიღებენ მონაწილეობას:

„ჩვენ, რესპუბლიკელები, არ ვიყავით დამოკიდებული არანაირ ფორმატზე. ჩვენ ვთქვით, რომ აუცილებლად მივიღებთ მონაწილეობას, ეს არის უმნიშვნელოვანესი არჩევნები. ეს არ არის მხოლოდ წაგება-მოგების ვითარება, ეს არის პარტიისთვის ძალიან მნიშვნელოვანი, რომ ჩვენ ჩვენს ამომრჩეველთან გავაგრძელოთ საუბარი, ვიყოთ ერთგული ამ ამომრჩევლის.

ჩვენ ახლა განხილვის პროცესში ვართ, დავუჭერთ თუ არა მხარს რომელიმე კანდიდატს, გამომდინარე პროგრამიდან და გზავნილებიდან, თუ გვეყოლება საკუთარი კანდიდატი,“ - განაცხადა ხათუნა სამნიძემ.