შეფერხებები ლარსის გამშვებ პუნქტზე - პრემიერი ჯანდაცვისა და შს მინისტრებს შესაბამისი ზომების მიღებას სთხოვს

პოლიტიკა - 10:58, 10 Aug, 2017

3355

ლარსის გამშვები პუნქტისთვი განსაკუთრებული ყურადღების მიქცევას მოითხოვს ჯანდაცვისა და შინაგან საქმეთა მინისტრებისგან საქართველოს პრემიერ-მინისტრი გიორგი კვირიკაშვილი. პრემიერმა აღნიშნულ საკითხზე დღევანდელ მთავრობის სხდომაზე ისაუბრა:

,,ლარსის გამშვებ პუნქტზე შეფერხებები შეიქმნა. ისევდაისევ ტურისტების გაზრდილი ნაკადის გამო და შეფერხებები შეექმნათ სატვირთო მანქანების მძღოლებს. ვიცი, რომ ზომები მიღებულია მათი სასმელი წყლით და სამედიცინო მომსახურების უზრუნველყოფისთვის. მინდა, შინაგან საქმეთა და ჯანდაცვის სამინისტროებს გთხოვოთ, რომ მაქსიმალუირად, განსაკუთრებით ამ მაღალი ტემპერატურის პირობებში, საკმაოდ გაუსაძლისი პირობები იყო, გარკვეუილი ზომები მიღებული იყო, მაგრამ მინდა განსაკუთრებული ყურადღება მივაქციოთ იმ ადამიანების მდგომარეობას, რომელსაც რიგში ლოდინი უწევთ. იქ არ არის ყველა საჭირო ინფრასტრუქტურა, რომელიც სერვისების უზრუნველყოფისთვის არის საჭირო. ჩვენ უახლოეს პერიოდში გვექნება იქ მოწყობილი ინფრასტრუქტურა და დიდი იმედი მაქვს, რომ ეს პრობლემაც გადაიჭრება. სანამ ეს ინფრასტრუქტურა შეიქმნება, მინდა გთხოვოთ, რომ ეს ადამიანები იმ სერვისებით უზრუნველყოთ, რომელიც მათ სჭირდებათ",- აღნიშნა პრემიერმა.