"რუსეთისთვის ღია მინიშნებაა, რომ საქართველო არ არის მარტო მისი აგრესიის პირისპირ" - ხულორდავა სახელმწიფო დეპარტამენტის განცხადებაზე

პოლიტიკა - 10:33, 10 Aug, 2017

1788

ევროინტეგრაციის საპარლამენტო კომიტეტის თავმჯდომარე, თამარ ხულორდავა აცხადებს, რომ ამერიკის შეერტებული შტატები გმობს რუსეთის ფედერაციის პრეზიდენტის ჩასვლას ოკუპირებულ აფხაზეთში და კიდევ ერთხელ მოუწოდებს მას საერთაშორისო ნორმების აღიარებისა და საქართველოს სუვერენიტეტის დაცვისკენ.

"ჩვენი სტრატეგიული პარტნიორი განსაკუთრებით ხაზს უსვამს იმ ფაქტს, რომ რუსეთის პრეზიდენტის ეს ნაბიჯი შეუსაბამოა ჟენევის საერთაშორისო მოლაპარაკებების პრინციპებთან, რომლის მონაწილეც არის რუსეთი და რომელიც ერთადერთი საერთაშორუსო მექანიზმია კონფლიქტის მშვიდობიანი გადაწყვეტისთვის პუტინის ოკუპირებულ აფხაზეთში ჩასვლას უკვე მოყვა ევროკავშირის გამოხმაურებაც. ჩვენ უნდა გავაგრძელოთ ჩვენი ამერიკელი და ევროპელი პარტნიორების მობილიზება ამ საკითხის ირგვლივ. რუსეთისთვის ეს და სხვა პარტნიორების განცხადებები არის კიდევ ერთი ღია მინიშნება, რომ საქართველო არ არის მარტო რუსეთის აგრესიის პირისპირ",-აღნიშნა უხლორდავამ.

ოკუპირებულ აფხაზეთში რუსეთის ფედერაციის პრეზიდენტის ვლადიმირ პუტინის ვიზიტს ოფიციალური ვაშინგტონი ეხმაურება. განცხადებაში აღნიშნული, რომ აღნიშნული ფაქტი არათანმიმდევრული და ჟენევის მოლაპარაკებებისთვის შეუფერებელია.