დღევანდელ მთავრობის სხდომაზე საქართველოს პრემიერ-მინისტრმა გიორგი კვირიკაშვილმა სახელმწიფო რწმუნებულების საკითხზე კომენტარი გააკეთა და აღნიშნა, რომ აღნიშნულ თანამდებობებზე ახალ რწმუნებულებს რამდენიმე დღეში წარადგენს:

„ჩვენ შევდივართ ფაზაში, როდესაც არის ახალი გამოწვევები, გვაქვს სივრცითი განვითარების ძალიან ამბიციური პროგრამა და ასეთი ცვლილებები ძალიან ბუნებრივია. მინდა, დიდი მადლობა გადავუხადო გია სალუქვაძესა და პაპუნა მარგველიძეს ძალიან კარგი მუშაობისთვის. ისინი არიან ძალიან კარგი ადამიანები, ჩვენი გუნდის წევრები და დარწმუნებული ვარ, განაგრძობენ ჩვენს გუნდში უკვე სხვა პოზიციებზე მუშაობას“, - განაცხადა პრემიერ-მინისტრმა და მათ წარმატებები უსურვა.

შეგახსენებთ, რომ გუშინ გავრცელდა ინფორმაცია იმის შესახებ, რომ გურიისა და რაჭა-ლეჩხუმ-ქვემო სვანეთის რწმუნებულებმა თანამდებობები დატოვეს.