,,კორუმპირებული არის? არის... კრიმინალთან კავშირები აქვს? აქვს... სოჭის ოლიმპიადაზე პუტინს ჩაასწრო?... ხოდა თუ ეს ყველაფერი იცი...“

სოც.მედია - 20:12, 09 Aug, 2017

7654

ქართული ოცნების მერობის კანდიდატის შესახებ წერს, ნაციონალური მოძრაობის წევრი ზაზა ბიბილაშვილი და ამომრჩეველს კახა კალაძესთან დაკავშირებულ ფაქტებს ახსენებს:

,,კორუმპირებული არის? არის. ერთერთი ყველაზე კორუპირებული მინისტრია მთავრობაში.

სამწუხაროდ, ენერგეტიკაში ბევრი კარგი გაკეთდა წინა ხელისუფლების დროსო, თქვაა? თქვა. დანანებით.

ქურდულ სამყაროსთან და ორგანიზებულ კრიმინალთან კავშირები აქვს? აქვს და ამაყობს ამით.

ანუ იმ ხალხის მხარესაა, ვინც მისი ძმა გამოსასყიდის გამო გაიტაცა და მოკლა? არის.

და იმ ხალხს ებრძვის, ვინც მისი ძმის მკვლელობა გამოიძია და დამნაშავეები დასაჯა? ებრძვის.

კორცხელის დანაშაულებრივი დაჯგუფება შექმნა? შექმნა. პასუხი აგო? რიტორიკული კითხვაა.

2012 წელს ჩვენ აღვადგინეთ ძალადობა და უსამართლობაო, წამოცდა? წამოცდა.

სოჭის ოლიმპიადაზე პუტინს ჩაასწრო? ჩაასწრო. ეროვნული თავმოყვარეობა გაყიდა? გაყიდა. რამე მოგვიტანა სანაცვლოდ? ესეც რიტორიკული კითხვაა.

ფეხბურთის ფედერაციის არჩევნებზე მისი კაცის მოწინააღმდეგეს წამალი ჩაუდო და არჩევნები გააყალბა? ჩაუდო და გააყალბა.

უკრაინაში პუტინის ოლიგარქი იანუკოვიჩის წინააღმდეგ მიმართული აქციებისას, გვამშვიდებდა თუ არა, ნუ გეშინიათ, კრიზისი გრუშევსკის ქუჩას არ ცდებაო? გვამშვიდებდა.

გაზპრომთან მოღალატეობრივი კონტრაქტი დადო? დადო და, დიდი ალბათობით, ამაშიც მრავალმილიონიანი ქრთამი აიღო.

ხოდა, თუ ეს ყველაფერი იცი და მაინც ამ კაცს აძლევ ხმას, ან მისნაირი მოღალატე ხარ, ან საღ აზრთან ახლოს არ ჩაგივლია, ან ხვდები, რომ ნაძირლობას შვრები, მაგრამ შენში სიძულვილი მეტია, ვიდრე სიყვარული. სხვა ვარიანტი არ არსებობს“ - წერს ზაზა ბიბილაშვილი.