"მურუსიძემ სახელმწიფოს ხარჯზე ახალ მანქანაში 55 ათასი ლარი გადაიხადა"- ენმ გენერალურ აუდიტს მიმართავს

პოლიტიკა - 10:31, 07 Aug, 2017

1801

„ნაციონალური მოძრაობა“ გენერალურ აუდიტს სასამართლო სისტემაში არსებული მდგომარეობის შესწავლისკენ მოუწოდებს. ენმ-ს ოფიციალური განცხადება უკვე მზად აქვს, რომელსაც პარტიის წარმომადგენელი ოუწყებაში დღეს შეიტანს.

ლევან ხაბეიშვილის თქმით, სასამართლო სისტემაში საბიუჯეტო თანხა არამიზნობრივად იხარჯება.

მისი განცხხადებით, ლევან მურუსიძემ სახელმწიფოს ხარჯზე ახალ მანქანაში 55 ათასი ლარი გადაიხადა, მაშინ როცა გასულ წელს, დაახლოებით ანალოგიური თანხის 2 მანქანა ჰქონდა ნაყიდი.

პარტიაში ამბობენ, რომ ასევე მიმდინარე წელს უზენაესი სასამართლოს მოსამართლეებისთვის 216 ათასი ლარის ღირებულების ავტომობილები შეიძინეს.

„ლევან მურუსიძემ ზუსტად ერთი წლის წინ ორი ავტომობილი შეიძინა უმაღლესი საბჭოსთვის 100 ათას ლარად ღირებული. დღეს მან უკვე 55 ათას ლარად ღირებული ჰიუნდაი ტუქსონის ჯიპი იყიდა ბიუჯეტის ხარჯზე. შესაბამისად, ჩნდება კონკრეტული კითხვები, რატომ გამოცვალა 2005 წლის ჯიპი, რომელიც ასევე ბიუჯეტის ხარჯზე შეიძინა, ახალი, 2016 წლიანი ავტომობილით. ჩვენ გვაქვს ლეგიტიმური საფუძველი იმისა, რომ ვიფიქროთ, რომ ფაქტობრივად ხდება საბიუჯეტო სახსრების გაფლანგვა,“ - განაცხადა ხაბეიშვილმა.