9 წელი აგვისტოს ომიდან - პოლიტიკოსები მუხათგვერდის ძმათა სასაფლაოზე მივიდნენ

პოლიტიკა - 12:15, 07 Aug, 2017

1210

აგვისტოს ომის 9 წელისთავთან დაკავშირებით, მუხათგვერდის ძმათა სასაფლაოზე დილიდან ოპოზიციის წარმომადგენლები მივიდნენ.

პოიტიკოსებმა სამშობლოს ერთიანობისთვის დაღუპული მეომრების საფლავები გვირგვინით შეამკეს.

„ნაციონალური მოძრაობის“ თბილისის მერობის კანდიდატის, ზალიკო უდუმაშვილისსაარჩევნო შტაბის უფროსი, გრიგოლ ვაშაძე აცხადებს, რომ რუსეთმა 2008 წლის აგვისტოშისაქართველოს ტერიტორიული მთლიანობისა და სუვერენიტეტის წინააღმდეგ სამხედროაგრესია განახორციელა.

„სამხედრო ტერორისტული აგრესია მიმართული იყო ჩვენი დამოუკიდებლობის, სუვერენიტეტის, ტერიტორიული მთლიანობის და თავისუფლების წინააღმდეგ. ის, რომაგრესია შეჩერებული იქნა, ამის დამსახურება უპირველეს ყოვლისა ქართველ ერს და ჩვენშეიარაღებულ ძალებს ეკუთვნის. რაც შეეხება აგრესორს, მან იმ დღეებში ნახა, რომ ძალიანძვირი ფასის გადახადა მოუწია ამ აგრესიის ჩატარებისთვის,“ - განაცხადა გრიგოლ ვაშაძემ.

ოპოზიცია საერთაშორისო პარტნიორების დახმარებით, რუსეთთან უფრო მკაცრი პოლიტიკის გატარებას ითხოვს.

„ჩვენს ქვეყანას სჭირდება ამ ვითარებაში, არა რუსეთისთვის თავის დახრა, მიუხედავად იმისა, რომ ის ძალიან ძლიერია, არამედ ბევრად უფრო ძლიერ, ჩვენს დასავლელ მეგობრებთან ერთად კონსოლიდაცია. გონივრული, პატრიოტული, კომპეტენტური და საქმიანი მოთმინებით ქმედებები. მიზანმიმართული და ადეკვატური ქმედებები იმისთვის, რომ ჩვენს მეგობრებთან ერთად, მათი დახმარებით, ადრე თუ გვიან და დარწმუნებული ვარ, რაც უფრო ადრე გავწევრიანდებით ნატოსა და ევროკავშირში, გავამთლიანოთ მშვიდობიანად ჩვენი ქვეყანა,“ - განაცხადა ”ერთიანი ნაციონალური მოძრაობის” პოლიტიკური საბჭოს წევრმა, გიორგი ბარამიძემ.

5 დღიანი ომის შედეგად საქართველოს 100 000-ზე მეტი მოქალაქე გახდა დევნილი, დაიჭრა 1747 ადამიანი, დაიღუპა 170 ქართველი სამხედრო, 14 პოლიციელი და 228 სამოქალაქო პირი.