გუშინ ღამით, აბაშიძის ქუჩაზე, საცხოვრებელი კორპუსის ერთ-ერთ ბინაში ხანძარი გაჩნდა. ბინაში მყოფი ორი ადამიანი დამწვრობის ცენტრშია გადაიყვანეს. ერთერთს მეორე ხარისხის დამწვრობა აქვს, ხოლო მეორეს ზედა კიდურები აქვს დამწვარი.

ხანძრის გამომწვევი მიზეზები უცნობია. როგორც აბაშიძის ქუჩის #86-ში მცხოვრებლებმა საზოგადოებრივის კორესპონდენტს განუცხადეს, ხანძარი სავარაუდოდ საძინებელ ოთახში გაჩნდა. დამწვარია დაახლოებით 50 კვადრატული მეტრის ფართი.

ადგილზე იმყოფებოდნენ სამართალდამცველები და სასწრაფო დახმარების ჯგუფები.

როგორც საზოგადოებრივს შინაგან საქმეთა სამინისტროში განუცხადეს, მომხდარ ფაქტზე გამოძიება საქართველოს სისხლის სამართლის კოდექსის 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს.