საგანგებო მდგომარეობა უკრაინა-პოლონეთის საზღვარზე - სპეცსამსახურები სააკაშვილს ეძებენ

პოლიტიკა - 23:08, 05 Aug, 2017

5938

უკრაინის რადას დეპუტატის იურდი დერევიანკის ინფორმაციით, პოროშენკოს ადმინისტრაციის მითითებით, უკრაინა-პოლონეთის საზღვარი საგანგებო კონტროლზეა აყვანილი. მესაზღვრეებისა და სპეციალური სამსახურის მიერ ტარდება საგანგებო ღონისძიებები საზღვრის გადაკეტვის მიზნით.

როგორც დეპუტატი საკუთარ ფეისბუქ-გვერდზე აზუსტებს ,,საზღვარი დაბლოკილია. ეს ხდება კრაკოვეცის გამშვებ პუნქტზე. დერევიანკის განცხადებით, მისი ავტომობილი საგანგებოდ შეამოწმეს, ,,საბარგულში სააკაშვილს ეძებდნენ, მთელი ეს კომედია აღმოჩნდა მიზეზი მრავალკილომეტრიანი საცობისა“.

დეპუტატის სიტყვებით, მესაზღვრეები, მიუხედავად იმისა, რომ საზღვარი თავისუფალი იყო, არცერთ მანქანას შემოწმების გარეშე არ ატარებდნენ. უფრო მეტიც, სპეციალური დანიშნულების მანქანები, სააკაშვილის ძებნაში, ახორციელებდნენ პატრულირებას და კონტროლს საბაჟოს მიმდებარე მინდვრებსა და ტყეებში.

დეპუტატი თვლის, რომ ეს არის არა მხოლოდ უკრაინის კანონმდებლობის, არამედ საერთაშორისო შეთანხმებების დარღვევა. მან მიმართა პოროშენკოს, შეწყვიტოს ეს კომედია და ურკაინის მოქალაქეების შეურაცხყოფა.

,,მიხეილ სააკაშვილი საჯაროდ განაცხადებს უკრაინაში ჩამოსვლის თარიღს და საათს მას ამის შესახებ არაერთხელ განუცხადებია“ - ხაზს უსვამს უკრიანელი დეპუტატი.