,,მეტი ინფორმაცია ბავშვებს!.. და ანაკლია აღარ იქცევა ტრაგედიის ცენტრად“ - ესმა კუნჭულიას მიმართვა განათლების სამინისტროს

სოც.მედია - 19:44, 05 Aug, 2017

3608

ჟურნალ ,,პირველი კულინარის“ მთავარი რედაქტორი, ჟურნალისტი ესმა კუნჭულია, ანაკლიაში GEM Fest-ზე ახალგაზრდ გოგოს გარდაცვალების ფაქტს ეხმაურება და გამათლების სამინისტროს მოუწოდებს, მოახდინონ მოზარდების მეტი ინფორმირებულობა მსგავსი ტრაგედიების თავიდან ასაცილებლად.

,,როგორ ავიცილოთ თავიდან „ანაკლის ტრაგედია“?

(ფიქრები „ანაკლის ტრაგედიაზე“ და რჩევა განათლების სისტემას!)

თუ ჩვენს შვილებს დამაჯერებად ავუხსნით, რომ ორგანზიმში ისედაც გვაქვს ოპიატები, გარე-ოპიატებს აღარ მიეკარებიან... ასე მგონია და ამიტომაც მინდა მივმართო, განათლების სისტემას - მეტი ინფორმაცია ბავშვებს!!!!!!!!!!!!!!!! გადახედეთ სახელმძღვანელოებს და ასწავლეთ ზუსტად ის, რაც მათ გადაარჩენს და ჯანსაღ თაობად აქცევს! ცოდნა ძალაააააააააააააააააააააააააააააააააააააააააააააააააა !!!! (დეკარტი!!!).

ახლა, როცა ჩემი ახირებული ყნოსვა-გემოს დისერტაციას ვწერ, ბევრი წიგნის კითხვა მომიწია. განსაკუთრებით სუსტი და ოროსანი აღმოვჩნდი, ნეიროფიზიოლოგიაში და ტვინის ანატომიაში. დავაკვდი ლიტერატურას, გავათენე ღამეები და მივხვდი - ეს ყველაფერი ადრე რომ მცოდნოდა, სიგარეტის მოწევასაც არ დავიწყებდი;(((((((((((((

მოკლედ: 1970-იანებში ფსიქოდელიკური მუსიკითა და ნარკოტიკებით დაღუპული უამრავი ახალგაზრდის გამო, მსოფლიო მეცნიერება დაეწაფა გონების დამბინდავი ოპიატების (ჰეროინი, მორფინი და ა.შ.) შესწავლას;

მეცნიერებმა დაადასტურეს (ქენდის პერტიმ და სოლ სნაიდერმა), რომ ეს (გარე) ნივთიერებები (ნარკტიკებიც და სამკურნალო წამლებიც) გონებაზე ზემოქმედებენ და ურთიერთობენ ტვინის იმ უბნებთან, რომლებიც ემოციებს ან ჯანმრთელობას აკონტროლებენ - (ჩვენი ტვინის ლიმბური სისტემა);

ანუ: დამტკიცდა ვარაუდი - რომ თუ გარე-ოპიატებს ჩვენს ორგანიზმში გარკვეული რეცეპტორები შეეფერება, მაშინ ჩვენს ორგანიზმსაც აქვს საკუთარი ოპიატები (სხვაგვარად, როგორ აიხსნებოდა ამ რეცეპტორების არსებობა?);

მალე ამ შეკითხვაზეც იპოვეს პასუხი. ჩვენ ვიბადებით ბუნებრივი ოპიატებით - ანუ ენდორფინებით; თარგმანი: შინაგანი +მორფინები; ენდორფინები ნეიროპეპტიდებია, რომლებიც ემოციურ აღმაფრენას იწვევენ; (ამისი დასტურია სპორტსმენების მანიაკალური დამოკიდებულება ვარჯიშთან);

ენდორფინები - ჩვენს ემოციურ განწყობაზე მოქმედებს. ასევე ემოცია ახდენს გავლენას ნეიროპეპტიდების რაოდენობასა და ხარისხზე. ანუ გონებისა და სხეულის ურთიერთობით, გავლენა ორმხრივია.

ენდორფინების ანუ შინაგანი მორფინების გაძლიერება ბევრ რამეს შეუძლია - სპორტი, გემრიელი საკვები, შოკოლადი, სიყვარული, სიმპათია, წარმატება საქმეში, მოტივაცია, ცეკვა, სასმელი, სიმღერა, მუსიკა....................... და რა საჭიროა ამ დროს ზედმეტი ნარკოტიკები???

ამას დიდხანს, გულდასმით და დამაჯეერებლად თუ ავუხსნით შვილებს, მათი უმრავლესბა ამ შინაგანი „ნარკოტიკებით“ დატკბება და ანაკლია აღარ იქცევა ტრაგედიის ცენტრად„ -წერს ესმა კუნჭულია.