”მედიატორში” აცხადებენ, რომ პარლამენტარების ხარჯების შესახებ ინფრომაცია საჯარო და უტყუარია

პოლიტიკა - 13:12, 05 Aug, 2017

913

პარლამენტის წევრების ანაზღაურებას და სხვა ხარჯები - ფრაქცია ქართული ოცნების განცხადებას, არასამთავრობო ორგანიზაცია მედიატორი გამოეხმაურა.

ლევან ხაბეიშვილის, განცხადებით, ფრაქციის ბრალდება, რომ მათ მიერ გამოქვეყნებული და შემდეგ კურიერის ეთერში გასული ინფორმაცია მცდარია, უსაფუძვლოა.

ორგანიზაციის დამფუძვნებელი განმარტავს, რომ დოკუმენტაცია მან ოფიციალურად გამოითხოვა და მიიღო პარლამენტისგან.

„ეს ინფორმაცია არის საჯარო და მათ მიერვე არის მოწოდებული - 9 მილიონ 700 ათასი ლარის პრემია-დანამატი გაიცა პარლამენტის დეპუტატებზე და პარლამენტის თანამშრომლებზე. სიუჟეტში გარკვევით იყო ნათქვამი, რომ პარლამენტის დეპუტატებმა აიღეს 3 მილიონ 200 ათასი ლარის დანამატი, რაც შეეხება 6 მილიონ-ნახევარს, რომელიც პრემია-დანამატის სახით მიიღეს, ეს არის უკვე პარლამენტის აპარატის თანამშრომლები და ესეც ირკვევა მათ მიერ მოწოდებული ინფორმაციიდან და შესაბამისად, თუ შევკრებთ ამ რიცხვებს, მივიღებთ 9 მილიონ 700 ათას ლარს,“ - აცხადებს ლევან ხაბეიშვილი.

ის აღნიშნავს, რომ პარლამენტის მიერ მიწოდებული ინფორმაციის საფუძველზე ასევე ირკვევა, რომ დეპუტატების მანქანების საერთო ღირებულება 5 მილიონ 400 ათას ლარზე მეტია.

ფრაქცია "ქართული ოცნება" დეპუტატების შრომით ანაზღაურებასთან და სხვა ხარჯებთან დაკავშირებით გავრცელებულ ინფორმაციას პასუხობს.

როგორც პარტიის განცხადებაშია აღნიშნული, ტელეკომპანია ”რუსთავი 2”-მა ხუთწუთიანი სიუჟეტით მოსახლეობას საქართველოს პარლამენტის შესახებ 8 არასწორი და არასწორად ინტერპრეტირებული ინფორმაცია მიაწოდა.