შემთხვავა "GEM FEST"-ზე - ახალგაზრდა ქალი დაუდგენელი ნივთიერების მიღებით გამოწვეული ინტოქსიკაციით გარდაიცვალა

შემთხვევა - 15:23, 04 Aug, 2017

14901

GEM FEST-ზე ახალგაზრდა ქალი ცუდად გახდა, რის შემდეგაც ის საავადმყოფოში გარდაიცვალა. მომხდარის ირგვლივ "ნიუპოსტისთვის" ახალი დეტალები გახდა ცნობილი.

როგორც რეგიონალური კოსრესპონდენტი ადგილიდან იტყობინება გარდაცვლილია 22 წლის ნათია.თ. რომელიც მუსიკალურ ფესტივალზე თბილისიდან ჩავიდა.

წინასწარი ინფორმაციით, გარდაცვალების მიზეზი კლუბური ნარკოტიკის გადაჭარბებული რაოდენობა გახდა.

ახალგაზრდა GEM FEST-ის ტერიტორიაზე უგონო მდგომარეობაში იპოვეს და საავადმყოფოში გადაიყვანეს, თუმცა ექიმებმა მისი გადარჩენა ვერ მოახერხეს.

ზუგდიდის რეფერალურ ჰოსპიტალში აცხადებენ, რომ ახალგაზრდა ქალი, დიდი ოდენობით უცხო ნივთიერების მიღებით გამოწვეული ინტოქსიკაციის დიაგნოზით შეიყვანეს.

ექიმის თქმით, მიყვანის დროს მას სასიცოცხლო ფუნქციები არ აღენიშნებოდა.

რა ნივთიერებამ გამოიწვია ინტოქსიკაცია, ექიმების თქმით, ექსპერტიზა დაადგენს.

ამასთან, როგორც "ნიუპოსტისთვიც" ცნობილი ხდება სავადმყოფოში "GEM FEST"-ზე, სავარაუდოდ, ნარკოტიკული საშუალებით მოწამლული ორი ახალგაზრდაც არის მოთავსებული. ერთ-ერთი მართვით სუნთქვაზე იმყოფება.

ახალგაზრდა ქალის გარდაცვალების საქმეზე გამოძიება115-ე მუხლით მიმდინარეობს.