სანქციები არის აშშ-ს პასუხი რუსეთის ყველა იმ აგრესიულ ნაბიჯზე, რომელიც საქართველოს მიმათ გადადგა

სანქციები არის აშშ-ს პასუხი რუსეთის ყველა იმ აგრესიულ ნაბიჯზე, რომელიც საქართველოს მიმათ გადადგა - ქაცარავა

პოლიტიკა - 15:49, 03 Aug, 2017

1155

საგარეო ურთიერთობათა კომიტეტის თავმჯდომარე სოფიო ქაცარავა აშშ-ის მიერ რუსეთისთვის დაწესებულ სანქციებს ეხმაურება.

როგორც ქაცარავამ „ნიუპოსტს“ განუცხადა, მნიშვნელოვანია, რომ რუსეთის სანქციების კონტექსტში საქართველოს ოკუპირებული ტერიტორიების საკითხი პირველად აისახა.

„აღნიშნული სანქციები არის აშშ-ს პასუხი რუსეთის ყველა იმ აგრესიულ ნაბიჯზე, რომელიც მან გადადგა აშშ-ს მეგობარი და პარტნიორი ქვეყნების წინააღმდეგ, მათ შორის საქართველოს მიმათ.

მნიშვნელოვანია, რომ საქართველოს ოკუპირებული ტერიტორიების საკითხი პირველად აისახა რუსეთის სანქციების კონტექსტში, რაც ბოლო 5 წლის განმავლობაში ჩვენი გუნდის ხანგრძლივი და შრომატევადი მუშაობის შედეგია“- განაცხადა „ნიუპოსტთან“ სოფიო ქაცარავამ.

“რუსეთი ყოველდღიურად დგამს პროვოკაციულ ნაბიჯებს საქართველოს ტერიტორიული მთლიანობისა და სუვერენიტეტის წინააღმდეგ. მიუხედავად ამისა, ბოლო 5 წლის განმავლობაში ჩვენ შევძელით უპრეცენდენტო საერთაშორისო მხარდაჭერის მობილიზება, რაც გამოიხატება არა მხოლოდ განცხადებებში, არამედ ქმედით ნაბიჯებშიც.

სწორედ საერთაშორისო პარტნიორების დახმარებით და პრაგმატული, მტკიცე და შედეგზე ორიენტირებული პოლიტიკით, ჩვენი შევძლებთ რუსეთის მხრიდან მომდინარე სირთულეების გადალახვას და კონფლიქტების მშვიდობიანი გზებით მოგვარებას.

ამ კონტექტსში მნიშვნელოვანია, რომ აშშ-ს ვიცე პრეზიდენტის გზავნილებში ხაზი გაესვა იმ წარმატებულ მუშაობას და სწორ პოლიტიკას, რომელსაც მმართველი გუნდი ახორციელებს”- განმარტა უმრავლესობის წარმომადგენელმა.

“ნიუპოსტი“ დაინტერესდა დგას თუ არა კარასინი-აბაშიძის ფორმატის გაუქმების საკითხი რაზეც ქაცარავამ აღნიშნა, რომ მთავრობა ამ საკითხს არ განიხილავს.