ამერიკა მზად არის, სერიოზულად გააძლიეროს ქართული არმია და მიხედოს საქართველოს

ამერიკა მზად არის, სერიოზულად გააძლიეროს ქართული არმია და მიხედოს საქართველოს - თორნიკე შარაშენიძე

პოლიტიკა - 15:15, 03 Aug, 2017

2175

ექსპერტ თორნიკე შარაშენიძის განცხადებით, ამერიკის შეერთებული შტატები საქართველოს არმიის გასაძლიერებლად მზად არის.

შესაბამისი განცხადება საქართველოს სტრატეგიული ანალიზის ცენტრის დამფუძნებელმა აშშ-ის მიერ რუსეთისთვის დაწესებული სანქციების კომენტირებისას განაცხადა.

შარაშენიძე აცხადებს, რომ მხოლოდ ამერიკის ძალისხმევა ამ პროცესში საკმარისი არ არის და რუსეთის მცოცავი ოკუპაციის შესაჩერებლად, საქართველოს მთავრობამაც ქმედითი ნაბიჯები უნდა გადადგას.

„ეს სანქციები ნიშნავს იმას, რომ ამერიკა რუსეთთან ურთიერთობების გაუმჯობესებას სანამ ჩვენი და უკრაინის ტერიტორიების დეოკუპაცია არ მოხდება. ამერიკა მზად არის, ბოლოს და ბოლოს, სერიოზულად გააძლიეროს ქართული არმია და სერიოზულად მიხედოს საქართველოს ყველა კუთხით და ეს გამოიხატება იმაშიც, რომ ანაკლიაში შემოდის ამერიკული კომპანია, ეს ძალიან მნიშვნელოვანია, რადგანაც ამერიკული კომპანიის უკან ყოველთვის დგას დიდი სახელმწიფო, მთელი თავისი რესურსებით. ამერიკა არ გააუმჯობესებს ურთიერთობას რუსეთთან, სანამ ოკუპაცია არ დასრულდება, მაგრამ თუკი ჩვენმა მთავრობამ ამას თვითონ, თავისი მხრივ ეფექტური პოლიტიკა არ დაუმატა, სამწუხაროდ არ არის გამორიცხული მცოცავი ანექსია გაგრძელდეს. ამერიკის ჩარევა არის უმნიშვნელოვანესი, მაგრამ ჩვენც უნდა შეუწყოთ ხელი ჭკვიანური და პრინციპული ნაბიჯებით “ - განაცხადა თორნიკე შარაშენიძემ.