„მმართველ ძალას გაუჩნდა მართლაც უალტერნატივობის განცდა“

„მმართველ ძალას გაუჩნდა მართლაც უალტერნატივობის განცდა“ - ფიქრია ჩიხრაძე

პოლიტიკა - 15:33, 03 Aug, 2017

1421

საქართველოს პრეზიდენტის მრჩეველმა, ფიქრია ჩიხრაძემ, ფრაქცია "ქართული ოცნების" მიერ გავრცელებული განცხადების საპასუხოდ განაცხადა, რომ მმართველ გუნდს პრეზიდენტის ნებისმიერ გამონათქვამზე უმწვავესი რეაქცია აქვს.

„ძალიან სამწუხაროა, რომ მმართველი გუნდის წარმომადგენლებს დასჩემდათ ასეთ პოზაში ჩადგომა, რომ პრეზიდენტის ნებისმიერ გამონათქვამზე და შეთავაზებაზე აქვთ უმწვავესი რეაქცია, როგორი შიანარსისასაც არ უნდა იყოს პრეზიდენტის მიერ გამოთქმული მოსაზრებები.

ეს ძალიან სამწუხაროა და ხაზზს უსვამს იმას, რომ მმართველ ძალას, რომელიც საკონსტიტუციო უმრავლესობას ფლობს გაუჩნდა მართლაც უალტერნატივობის განცდა და არ სურთ არცერთი მხარისგან მოისმინონ განსხვავებული აზრი. სწორედ ამაზე საუბრობდა პრეზიდენტი მარგველაშვილი და იმას უსვამდა ხაზს, რომ ასეთი დამოკიდებულელებები დამახასიათებელია ტოტალიტარული მართველობის სტილისათვის და ეს აღარ უნდა განმეორდეს არასოდეს ჩვენს რეალობაში.

შეფასება, რომელიც მარგველაშვილმა თავისი პოლიტიკური გამოცდილებიდან მოიყვანა ერთგვარი ანალიზი შესთავაზა საზოგადოებას და მათი მხრიდან გადაითარგმნა როგორც შეურაცხყოფელი. შეუარაცხყოფა და განსხვავებული აზრის იგნორირება არის სწორდ ის, რომ ისინი მთელი ამ დროის განმავლობასი გაურბიან დიალოგს, თანხმობისკენ ნაბიჯების გადადგმავს და ეს ხდება როგორც პრეზიდენტთან, ისე სამოქალაქო საზოგადოებასთან და ისე პოლიტიკურ ოპოზიციასთან“- განაცხადა ფიქრია ჩიხრაძემ.