ამერიკის შეერთებული შტატების პრეზიდენტმა დონალდ ტრამპმა გუშინ რუსეთის, ირანისა და ჩრდილოეთ კორეის წინააღმდეგ მიღებულ სანქციების აქტს ხელი მოაწერა, აღნიშნულს რუსი პოლიტოლოგები არასაკმარისად ეფექტურს უწოდებენ:

„კრემლის პასუხი შეერთებული შტატების სანქციებზე შესაძლოა იყო კიდევ ერთი კონფლიქტის შექმნა, პროვოკაციები უკრაინასა და სამხრეთ ოსეთში. ვფიქრობ, რუსეთი მომავალშიც განაგრძობს აგრესიულ ქმედებებს უკრაინაში, სირიაში, აფხაზეთსა და სამხრეთ ოსეთში. პროვოკაციები და იმპერიული მისწრაფებები პუტინისა და მისი გარემოცვისთვის ხელისუფლებაში დარჩენის საშუალებაა. პუტინისათვის რუსეთის გამოსვლა უკრაინიდან და საქართველოდან, ასევე, დნესტრისპირეთში პროვოკაციების ორგანიზების შეწყვეტა მმართველობის დაკარგვას ნიშნავს. ძალისმიერი მოქმედება რუსეთზე მოქმედების ყველაზე ეფექტური საშუალებაა,“ - განაცხადა კონსტანტინ ბაროვოიმ.