აშშ-ის ვიცე-პრეზიდენტს, საქართველოს პრემიერ-მინისტრი ოფიციალურ ვახშამზე უმასპინძლებს. რესტორანში სადაც მაღალი რანგის სტუმარი დელეგახციასთან და ოჯახთან ერთად მივა, უსაფრთხოების ნორმები გამკაცრებულია.

მაიკ პენსის ესკორტმა თბილისის საერთაშორისო აეროპორტიდან თავისუფლების მოედანზე ჩაიარა და მისი ესკორტი ფუნიკულიორისკენ გაემართა, სადაც საქართველოს პრემიერთან ოფიციალური ვახშამი გაიმართება.

პენსი პოლიტიკურ განცხადებებს სავარაუდოდ ხვალ გააკეთებს.

მედიისთვის გაგზავნილი ინფორმაციის მიხედვით, პირველ აგვისტოს, 10:15 საათზე საქართველოს მთავრობის ადმინისტრაციაში გაიმართება პრემიერ-მინისტრისა და აშშ-ის ვიცე-პრეზიდენტის შეხვედრა, რის შემდეგაც, 11:15 საათზე პრესისთვის ერთობლივი განცხადებები გაკეთდება.

15:15 საათზე აშშ-ის ვიცე-პრეზიდენტი სწავლება „ღირსეული პარტნიორის“ მონაწილე სამხედროებს შეხვდება.

აშშ-ის ვიცე-პრეზიდენტი თბილისს ხვალ 16:00 საათზე დატოვებს.