თბილისი მაიკლ პენსის დასახვედრად მზად არის

პოლიტიკა - 18:20, 31 Jul, 2017

1258

თბილისში ამერიკის შეერთებული შტატების ვიცე-პრეზიდენტის ჩამოსვლას ელოდებიან, მაიკლ პენსის თვითმფრინავი, ბორტი ნომერი 2 19:00 საათისთვის თბილისის საერთაშორისო აეროპორტში დაეშვება. ამერიკის 48-ე ვიცე-პრეზიდენტს აეროპორტში საქართველოს პრემიერ-მინისტრი გიორგი კვირიკაშვილი დახვდება.

პენსის ვიზიტთან დაკავშრებით თბილისში უსაფრთხოების ზომები გამკაცრებულია.

სახელმწიფო დაცვის სპეციალური სამსახურის უფროსი ანზორ ჩუბინიძე აცხადებს, რომ ქართული მხარე ამერიკის შეერთებული შტატების ვიცე-პრეზიდენტის დასახვედრად უსაფრთხოების კუთხით სრულიად მზად არის.

”ყველანი მობილიზებულები ვართ და ქალაქში არის დაცვის საკმაოდ მაღალიუზრუნველყოფა. რუსთაველის გამზირი იკეტება დღეს, საღამოს 20:00 საათიდან ხვალ 16:00 საათამდე, ასევე შალვა დადიანის და გიორგი ლეონიძის ქუჩის მცხოვრებლებს მივმართეთ დადღეს იქ ვერც ერთ ავტომობილს ვერ ნახავთ. არავითარი საფრთხე არ არის და არანაირიინფორმაცია არ შემოსულა”, - აღნიშნა ანზორ ჩუბინიძემ.

ამერიკის შეერთებული შტატების ვიცე-პრეზიდენტი, მაიკ პენსი, თბილისში დაახლოებით უახლოეს წუთებში ჩამოფრინდება.

ამ დროისათვის პუშკინის სკევრში იკრიბებიან მოქალაქეები და პოლიტიკოსები. ამ დღისთვის საგანგებოდ რამდენიმე ღონისძიებაც დაიგეგმა.