,,შესაძლოა რაიმე ექსცესი ყოფილიყო" - პენსის ვიზიტი და გამკაცრებული უსაფრთხოების ზომები

პოლიტიკა - 18:17, 31 Jul, 2017

2108

ამერიკის შეერთებული შტატების ვიცე-პრეზიდენტის ვიზიტთან დაკავშუირებით, თბილისის საერთაშორისო აეროპორტში უსაფრთხოების ზომები გამკაცრებულია.

აეროპორტში მაიკ პენსის დასახვედრად მივიდნენ მოქალაქეებიც. გაიარეს შესაბამისი შემოწმება და აეროპორტის ტერიტორიაზე შევიდნენ, თუმცა, მოგვიანებით მოქალაქეებს ტერიტორია დაატოვენინეს, რითაც წინასწარ შეთანხმებული გეგმა შეიცვალა.

აშშ-ის უსაფრთხოების სამსახურის წარმომადგენლები თვლიან, რომ სიტუაცია აეროპორტთან კონტროლირებადი არ არის.

ჩუბინიძე ამბობს, რომ საკითხზე ჯერჯერობით მოლაპარაკებები მიმდინარეობს.

„აქ არაფერი არ არის გასაკვირი, ეს არის ალბათ უმაღლესი დონის ვიზიტი, რაც შეიძლება ყოფილიყო და შესაბამისად, ამერიკული მხარისგან მოთხოვნები ძალიან მისაღებია თუმცა, არის რა თქმა უნდა, ძალიან კატეგორიული მოთხოვნები და ჩვენც, შესაბამისად, ვახერხებთ და ძალიან მადლობლები არიან ჩვენი დახმარებით. არაფერი არ მომხდარა, ჯერჯერობით საზოგადოების დასწრების თემა გადასაწყვეტი არის. არ მოსწონთ მაინცდამაინც, იმიტომ რომ თვლიან, რომ არ არის ეს კონტროლირებადი, მაგრამ შეიძლება გადაწყვიტონ დადებითად და პროტოკოლის მოთხოვნა გაითვალისწინონ,“ - აცხადებს სახელმწიფო დაცვის სპეციალური სამსახურის უფროსი, ანზორ ჩუბინიძე.