სიცოცხლისთვის საშიში საკვები უფასო სასადილოებში - გიორგი ვაშაძე დაჯარიმებულ კომპანიებსა და მერიის კორუფციულ სქემაზე საუბრობს

პოლიტიკა - 15:36, 31 Jul, 2017

1347

უფასო სასადილოებში სიცოცხლისთვის საშიში საკვების გამოვლენის ფაქტზე საუბრობს „პოლიტიკურმა პლატფორმა - ახალმა საქართველოს“ ლიდერი. გიორგი ვაშაძის განცხადებით, კომპანიები, რომლებიც საკვებით მომსახურეობას ახორციელებდნენ დაჯარიმებული არიან.

„უფასო სასადილოებში გამოვლინდა საგანგაშო ფაქტი. სურსათის ეროვნული სააგენტოს დასკვნით, საკვები პროდუქტი, რომელიც გამოიყენება უფასო სასადილოებში საკვებისთვის სახიფათოა. კომპანიები, რომლებიც მოსალხეობას უწევენ მომსახურებას, დაჯარიმდნენ კანონით გათვალისწინებული ნორმის ფარგლებში. ჩვენ ყოველთვის ვუსმევდით ხაზს, იმ ფაქტს რომ ეს საკვები არის უვარგისი და არ შეესაბამება არანაირ ნორმას. ამჯერად, ეს სურსათის ეროვნულმა სააგენტომაც დაასასტურა. ძალიან მნიშვნელოვანია, რომ შემოწმება, მხოლოდ მას შემედეგ დაიწყო, რაც ჩვენ ამ თემით დავინტერესდით. ჩავატარეთ რამდენიმეთვიანი მონიტორინგი, გავესაუბრეთ ბენეფიციარებს. ეს არის კორუფციული სქემა, რომელიც აწყობილია თბილისის მერიის მიერ. არ შეიძლება მაღალჩინოსნები მდიდრდებოდნენ ყველაზე გაჭირვებული ადამიანების ხარჯზე. ეს ფული უნდა დაბრუნდეს სახლემწიფო ბიუჯეტში. 1 თვის წინ გვქონდა მასშტაბური მონიტორინგი ერთდროულად 20 უფასო სასადილოზე. ჩვენ ამ თემაზე ვაგრძელებთ მუშაობას და საქმეს მივიყვანთ ბოლომდე“- განაცხადა გიორგი ვაშაძემ.

მისივე თმით, დაჯარიმებულ ბიზნესოპერატორებს, შეუსაბამობის აღმოფხვრამდე შეუჩერდათ საწარმოო პროცესი. დაჯარიმებულ კომპანიებს შორის არიან: შპს „ილი ჯგუფი“. შპს -„ნილი“. შპს-„ჩიხურა“ - ჭიათურა. ი.მ „თამარ ჭურაძე“. ი.მ „თამაზ სიხარულიძე“

ასევე, სახელმწიფო კონტროლის დროს გაცემული არაკრიტიკული რეკომენდაციების შეუსრულებლობის გამო, დაჯარიმდნენ : შპს“ ნილი“ - თბილის, გაბრიელ სალოსის #105 და შპს „ნილი“ - მ.ლაღიძის #6

შეგახსენებთ, „პოლიტიკურმა პლატფორმა - ახალმა საქართველომ“ რამდენიმე თვის წინ გამოავლინა, უფასო სასადილოების მასშტაბური კორუფციული სქემა. პარტიის მიერ ჩატარებული მონიტორინგის შედეგები, უკვე გადაეცა პროკურატურას, თბილისის მერიასა და აუდიტის სამსახურს.