პოლიტიკური დევნა, ოლიგარქიული მმართველობა - ენმ მაიკლ პენსთან შეხვედრისთვის ემზადება

პოლიტიკა - 12:37, 31 Jul, 2017

1131

პარლამენტის ფრაქცია ნაციონალური მოძრაობის თავმჯდომარის მოადგილე, სალომე სამადაშვილი, აცხადებს, რომ აშშ-ის ვიცე-პრეზიდენტთან შეხვედრაზე ქვეყანაში არსებულ არაფორმალურ მმართველობაზე და კონსტიტუციაში ცვლილებების შეტანის პროცესზე გაამახვილებენ ყურადღებას.

"ქვეყანაში ოლიგარქიული მმართველობის სისტემაა შექმნილი და საქართველოს კონსტიტუციაში ცვლილებები სწორედ ამ რეჟიმის შენარჩუნებისთვის ხორციელდება"- ამბობს სამადაშვილი.

ენმ-ს წევრის თქმით, ამერიკელ მაღალჩინოსანთან პოლიტიკურ დევნაზეც ისაუბრებენ.

„საუბარი იქნება იმაზე, რომ ოპოზიციურ, პროდასავლურ პოლიტიკურ ძალებს ისევე, როგორც დამოუკიდებელ მასმედიას, ხელისუფლება სერიოზულ პრობლემებს უქმნის, მათ შორის იქნება საუბარი პოლიტიკურ დევნილებზე, იმ ხალხზე, ვინც პოლიტიკური ნიშნით ჰყავს დღეს ხელისუფლებას. ოლიგარქიული მმართველები რეგიონში, ყოფილ საბჭოთა სივრცეში, ერთსა და იმავე ხერხებს მიმართავენ, რათა განდევნონ პოლიტიკური სივრციდან ოპოზიცია და ყველაზე გავლენიანი ოპოზიციური მოთამაშეები. მას შემდეგ, რაც განიდევნა მიხეილ სააკაშვილი საქართველოს პოლიტიკური სივრციდან და დღეს ვხედავთ, რომ იმავე ხერხებს მიმართავს უკრაინის ხელისუფლებაც,“ - განაცხადა სალომე სამადაშვილმა.