თავისუფალი და სამართლიანი არჩევნებისათვის უწყებათაშორისი კომისიის მორიგი შეხვედრის ფარგლებში იუსტიციის მინისტრმა, თეა წულუკიანმა განაცხადა, რომ 15 სექტემბრამდე რეგისტრაციიდან მოხსნილ პირებს ხელახალი რეგისტრაციის შესაძლებლობა ეძლევათ. მინისტრის განცხადებით რეგისტრაციიდან მოხსნილი ამომრჩევლების რაოდენობა 90 ათასია და აღნიშნული საკითხი არჩევნების წინ აქტუალურია:

„არსებობს ძალიან დიდი პრობლემა - ეს არის რეგისტრაციიდან მოხსნილი პირები. ამიტომ, კიდევ ერთხელ მივმართავ იმ პირებს, რომელთა რიცხვიც არის რამდენიმე ათეული ათასი, რეგისტრაციიდან მოხსნილ ყველა პირს აქვს შესაძლებლობა, გაასწოროს თავისი საბუთი იმისთვის, რომ მიიღოს არჩევნებში მონაწილეობა“, - განაცხადა იუსტიციის მინისტრმა თეა წულუკიანმა.