ტეროტორიული მთლიანობის მხარდაჭერა, თავდაცვა და უსაფრთხოება, ეკონომიკურ და სავაჭრო ურთიერთობები- რა საკითხებზე ისაუბრებს ხელისუფლება პენსთან

პოლიტიკა - 09:59, 31 Jul, 2017

1320

საქართველოს ელჩი ამერიკის შეერთებულ შტატებში, დავით ბაქრაძე აცხადებს, რომ ამერიკის ვიცე-პრეზიდენტ მაიკ პენსის ვიზიტი შეერთებული შტატების ახალი ადმინისტრაციისა და ქართული მხარის კიდევ უფრო დაახლოებას გამოიწვევს.

ბაქრაზე აღნიშნავს, რომ ვიზიტი ახალ ფაზაზე გადაიყვანს ამერიკისა და საქართველოს ურთიერთობას.

დავით, ბაქრაძის თქმით, შეხვედრის დროს ნომერ პირველი საკითხი ტერიტორიული მთლიანობა და სუვერენიტეტი იქნება.

„ვიცე-პრეზიდენტის ვიზიტი ძალიან მნიშვნელოვანია. ამ კონკრეტულ ვიზიტს განსაკუთრებულ მნიშვნელობას სძენს ასევე ისიც, რომ ეს ხორციელდება ახალი ადმინისტრაციის მუშაობის დაწყებიდან ექვს თვეში. საქართველოს პრემიერ-მინისტრს უკვე მესამედ ჰქონდა შეხვედრა ახალი ადმინისტრაციის პირობებში. ჩვენთვის მნიშვნელოვანია ის გზავნილი და მხარდაჭერა, რომელსაც ველოდებით შტატების მხრიდან, ეს ურთიერთობა კიდევ ახალ საფეხურზე გადადის. რაც შეეხება საქართველოს ტეროტორიული მთლიანობის მხარდაჭერას, საქართველოს თავდაცვისა და უსაფრთხოების სფეროში თანამშრომლობას ამერიკის შეერთებულ შტატებთან და ორმხრივ ეკონომიკურ და სავაჭრო ურთიერთობების გაღრმავებას, ეს იქნება მთავარი თემები ვიცე-პრეზიდენტთან შეხვედრის დროს“, - განაცხადა დავით ბაქრაძემ.