"ჩვენ ვართ ერთმანეთის ღირსეული თანამებრძოლები" - საქართველოს პრეზიდენტმა „ღირსეული პარტნიორი 2017“ მონაწილეებს მიმართა

პოლიტიკა - 13:15, 30 Jul, 2017

831

ვაზიანის სამხედრო აეროდრომზე მრავალეროვნული სწავლება „ღირსეული პარტნიორი 2017“-ის გახსნის ოფიციალური ცერემონიალი გაიმართა.

საქართველოს პრეზიდენტმა გიორგი მარგველაშვილმა, დამსწრე საზოგადოებას სიტყვით მიმართა:

"პატივცემულო სტუმრებო, ელჩებო და ჩვენო ღირსეულო ჯარისკაცებო და მებრძოლებო.

უკვე მესამე წელია ამ მნიშვნელოვანი ერთობლივი ღონისძიების “სწავლება ღირსეული პარტნიორის” ჩატარების ადგილია.

ამ უმნიშვნელოვანეს ერთობლივ სწავლებას უკვე გააჩნია თავისი ტრადიცია. მე ვერ ავღწერდი უფრო სწორად ჩვენ ერთობლივ წვრთნას, ვიდრე ეს სახელი “ღირსეული პარტნიორი”, იმიტომ რომ ჩვენ ვართ ერთმანეთის ღირსეული თანამებრძოლები და ერთიანად გვიჭირავს თავისუფლების, დემოკრატიის, ადამიანის უფლებების გლობალური სტაბილურობის დროშა.

ამიტომ გულითადად მივესალმები ჩვენს ჯარისკაცებს, გერმანელ , თურქ, ესპანელ,რუმინელ, სლოვენიელ, სომეხ და უკრაინელ სამხედრო მოსამსახურეებს. განსაკუთრებით მივესალმები ჩვენს ამერიკელ თანამებრძოლებს, რომლებთან ერთადაც ქართველი ჯარისკაცები იცავენ სტაბილურობას ავღანეთში.

მეგობრებო, თქვენი თანამებრძოლები თავის ჯანმრთელობას და სიცოცხლეს სწირავენ უმთავრეს მიზანს , ჩვენი საზოგადოებები იყოს დაცული , რომ ჩვენი საზღვრები იყოს შეულახავი, რომ ჩვენ ვიცხოვროთ სიმშვიდეში. მადლობა თითოეულ თქვენთაგანს ამ სამსახურისთვის. მადლობა გეუბნებით და მადლობას გეუბნებათ თითოეული მოქალაქე თქვენი ქვეყნების. დარწმუნებული ვარ სწავლების განმავლობაში თქვენ ბევრ საინტერესო გამოცდილებას შეიძენთ და ბევრი აქედან წავა მეგობრად ერთმანეთისა , პირად მეგობრებად , იმიტომ რომ ჩვენს ქვეყნებში შორის მეგობრობა ვითარდება და იწყება ადამიანებს შორის მეგობრობითა და პატივისცემით. გისურვებთ წარმატებულ სწავლებას, ღმერთი ფარავდეს საქართველოს და ღმერთი ფარავდეს ქვეყნებს საიდანაც თქვენ წამოხვედით და სადაც თქვენ მიდიხართ", - განაცხადა საქართველოს პრეზიდენტმა.