საქართველოს მესამე პრეზიდენტი მიხეილ სააკაშვილი მისთვის უკრაინის მოქალაქეობის ჩამორთმევის საკითხზე საუბრობს. სააკაშვილმა განაცხადა, რომ ყველაფერი წინ არის და ბრძოლა გრძელდება. მან ასევე ბიძინა ივანიშვილის ჩართულობაზე აღნიშნულ საკითხთან დაკავშირებითაც გააკეთა კომენტარი:

„პოროშენკოს ემჯობინებოდა, რომ მე კიევში დავეკავებინე და გადმოვეცე საქართველოსთვის, მაგრამ ივანიშვილს ეს არ უნდა. ივანიშვილს საშინლად ეშინია ჩემი საქართველოში ჩაყვანის, მარტივი და ყველასთვის გასაგები მიზეზით, მათი პოპულარობა არის ძალიან დაბლა. თავიდან პოროშენკოს ივანიშვილთან შეხვედრა უნდოდა თბილისში, ის აპირებდა მხოლოდ თბილისში ჩასვლას და მეტი არსად წასვლას. ივანიშვილი არის ავად, იყო ურეკში და ვერ ჩამოდიოდა თბილისში, ამიტომ შემდეგ მოიგონეს ბათუმის ბიზნესფორუმი, რომელიც არაფერ შუაში არ იყო, იმიტომ, რომ ბიზნესფორუმი თბილისში ჩატარდა და ბათუმში იყო დადგმული, ვითომ ბიზნესფორუმი, თბილისურის მინივერსია, ერთადერთი მიზნით, რომ ბათუმში ჩასვლის საბაბით შეევლო ურეკში ივანიშვილთან, რომელიც იმ დროისთვის უკვე იმ მდგომარეობაში იყო, რომ პოროშენკოსთან ესაუბრა... რაზეც შეთანხმდნენ იყო, რომ მოდი ახლა გავითამაშოთ, რომ პროკურატურამ მოგვცა ახალი მასალები, საქმეში გაჩნდა მხოლოდ ერთი ახალი მასალა, ვაცლავ ჰაველისთვის გვირგვინის გაგზავნა გასვენებაში და ჩვენ დავდგამთ, რომ ჩამოვართვათ მოქალაქეობა,“- აღნიშნა სააკაშვილმა.