საქართველოს მესამე პრეზიდენტი მიხეილ სააკაშვილი მისთვის უკრაინის მოქალაქეობის ჩამორთმევის საკითხზე საუბრობს. „კურიერის“ პირდაპირ ეთერში სააკაშვილმა განაცხადა, რომ შემოდგომისთვის უკრაინაში „დიდი მობილიზება იგეგმება“. სააკაშვილი უკრაინის პრეზიდენტის გადაწყვეტილებას „თვითგანადგურებას“ უწოდებს:

„რაც პოროშენკომ გამიკეთა, მან გამომაცხადა თავის მთავარ ოპონენტად, უკრაინელებისა და უცხოელების თვალში. შემდეგ საკუთარი ხელით გამოიჭრა ყელი, იმიტომ, რომ მთავარი ოპონენტი ქვეყნიდან გააგდო. ასეთი რაღაცები ცუდად მთავრდება,“- განაცხადა მიხეილ სააკაშვილმა.