ოზურგეთში 31 წლის გია ხვედელიძე გაუჩინარდა - ,,დაიბარა, ნათესავს უნდა შევხვდეო... მას მერე არ გამოჩენილა“

შემთხვევა - 17:58, 29 Jul, 2017

12112

ოზურგეთის რაიონის სოფელ შრომაში 31 წლის მამაკაცს ეძებენ. როგორც ,,ნიუპოსტს“ ოჯახის ახლობლებმა აცნობეს, ახალგაზრდა სახლიდან 3 დღის წინ გავიდა და ამ დრომდე მისი ადგილსამყოფელი უცნობია.

გია ხვედელიძე სოფელში დედამამასთან და ძმასთან ერთად ცხოვრობს.

,,ნიუპოსტი“ დაკარგული მამაკცის ძმას დაუკავშირდა. როგორც გელა ხვედელიძე ჩვენთან საუბარში აცხადებს, მისი ძმა 3 დღის წინ, გვიან ღამის გავიდა სახლიდან იმ მოტივით, რომ ნათესავს უნდა შეხვედროდა. ,,ღამის სამი საათი იყო, ჯერ მანქანით გავიდა, შემდეგ მობრუნდა და ფეხით წავიდა. დაიბარა, რომ ნათესავი უნდა ენახა, თუმცა იმ ოჯახში არ საერთოდ არ მისულა“ - აცხადებს გელა ხვედელიძე. მისი თქმით, საეჭვო არაფერი შეუნიშნავთ და არც კონფლიქტი ჰქონია ვინმესთან.

გია ხვედელიძის ოჯახმა უკვე მიმართა ურეკის პოლიციას, ოჯახი თქმით მიმდინარეობს საძიებო ღონისძიებები.

შრომის თემში გამგებლის წარმომადგენელი მაყვალა დარჩია ,,ნიუპოსტთან“ ამბობს, რომ სამძებრო სამუშაოებში ცაღტულია პოლიციაც, თუმცა მის კვალს ამ დრომდე ვერ მიაგნეს:

როგორც დარჩია ამბობ, მშობლებმა განაცხადეს, რომ ბოლო დროს შვილი ცოტა არეული იყო, თუმცა იმ მომენტში ყურადღება არ მიუქცევიათ.

"ღამის სამ საათზე გასულა სახლიდან, მშობლებისთვის უთქვამს, ნათესავი მელოდება და უნდა შევხვდეო. მას მერე არ გამოჩენილა. იმ ნათესავთანაც დარეკეს და საერთოდ არ შემხმიანებია ეს დღეებიო. ყველა ახლობელი, ნათესავი, ნაცნობი გამოკითხეს, არავის უნახავს ეს ბოლო დღეები. მშობლები ყვებიან, რომ ბოლო დროს, ცოტა არეული იყოო, მაგრამ არც კონფლიქტი, არც რაიმე დაძაბული ურთიერთობა არავისთან ჰქონია"-გვითხრა დარჩიამ.

,,ნიუპოსტი“ შს სამინისტროს დაუკავშირდა, როგორც უწყების პრესამსახურში განაცხადეს, შეტყობინება მამაკაცის გაუჩინარების შესახებ 27 ივლისს შევიდა და ამ დროისთვის უკვე მიმდინარეობს საძიებო ღონისძიებები.