„ევროპული საქართველოს“ წევრი გივი თარგამაძე დღეს თბილისის საქალაქო სასამართლოში მისი ავტომობილის აფეთქების საქმეზე დაზარალებულის სტატუსით დაიკითხა. დაკითხვის დასრულების შემდეგ თარგამაძემ ჟურნალისტებისთვის კომენტარი გააკეთა. მისი თქმით დაკითხვის დროს ავტომობილის აფეთქების დღე, გასული წლის 4 ოქტომბერი დეტალურად გაიხსენეს:

”მეც იგივე კითხვა მაქვს, რაც პროცესზე დავადასტურე. თუ გამოძიებამ საქმეში არ გამოკვეთა მოტივი, ზოგადად ამ საქმის გამოძიებას აზრი არ აქვს. თუ მოტივი არ არსებობს, ჩვენ მივდივართ იქამდე, რომ ჩემთვის უცნობმა დარჩო ხეჩუაშვილმა ერთ მშვენიერ დღეს გაიღვიძა და ისე შევჯავრდი, რომ გადაწყვიტა, რადაც არ უნდა დაჯდომოდა, უნდა მოვეკალი. ბუნებრივია, ამის ხომ არავის არ სჯერა? აქედან გამომდინარე, მოტივის გარეშე სასამართლო განხილვა ყოველგვარ აზრს არის მოკლებული.

ბორის ჩაგუნავა, რომელიც მანამდე მუხროვანზე და შევარდნაძის პირველ ტერაქტზე იყო ბრალდებული, ეს ადამიანი ამ საქმიდან ისე გამოყვეს, რომ უკან ვერ მიუბრუნდები. ერთი და იგივე საქმეზე ორჯერ გასამართლება არ შეიძლება. ამიტომ, მე ვვარაუდობ, რომ აფეთქებაში მეორე ბრალდებულს (დარჩო ხეჩუაშვილი) და მასთან დაკავშირებულ პირებსაც მეორე ცხრათვიანი გამოძიების შემდეგ ასევე გამოყოფენ ცალკე საქმერდ, რაც საბოლოო ჯამში გამოვა, რომ ყველა ფიგურანტი ამ პროცესს ცალ-ცალკე გაივლის და საქმეში ერთიანი სურათი არ დაიხატება ამ გამოძიებებისა და სასამართლო პროცესების შედეგად”, - განაცხადა თარგამაძემ.