ფედერიკა მოგერინი: ,,სინანულს გამოვთქვამთ საკონსტიტუციო რეფორმის პროცესში კონსესუსის ნაკლებობის გამო და ვაგრძელებთ დამატებით ძალისხმევას“

პოლიტიკა - 08:00, 28 Jul, 2017

1252

ევრკომისიის ვიცე პრეზიდენტი ფედერიკა მოგერინი საკონსტიტუციო რეფორმასთან დაკავშირებით ქართული არასამთავრობო ორგანიზაციების წერილს პასუხობს. მოგერინი სინანულს გამოთქვამს რეფორმის გადამწყვეტ ეტაპაზე ჩართულობისა და კონსესუსის ნაკლებობის გამო:

„მსურს მადლობა გადაგიხადოთ თქვენი წერილისთვის ევროკომისიის პრეზიდენტ ჟან კლოდ იუნკერისა და ჩემ მიმართ, სადაც თქვენ ოცდათორმეტ სამოქალაქო ორგანიზაციასთან ერთად გამოხატავთ საერთო შეშფოთებას საქართველოში საკონსტიტუციო რეფორმის პროცესთან დაკავშირებით.

ჩვენ ყურადღებით ვაკვირდებოდით კონსტიტუციური რეფორმის პროცესის სხვადასხვა ეტაპს, ვითვალისწინებდით ვენეციის კომისიის მოსაზრებებს ახალი კონსტიტუციის პროექტთან დაკავშირებით. ევროკავშირი მიესალმა საპარლამენტო უმრავლესობის გაცხადებულ მზადყოფნას, გაეზიარებინათ ვენეციის კომისიის რეკომენდაციები.

მიუხედავად ამისა, უმრავლესობის მიერ მიღებული კონსტიტუციის პროექტის საბოლო ვერსია მნიშვნელოვან სახეცვლილებებს შეიცავს საპარლამენტო არჩევნების პროპორციულ სისტემასთან დაკავშირებით, რაც მთელი რეფორმის ძირითადი საკითხი იყო. პარლამენტში პირველი და მეორე მოსმენისთვის წარდგენილი საკონსტიტუციო პროექტი ადასტურებს პროპორციულ სისტემაზე გადასვლას, თუმცა მის ძალაში შესვლას 2024 წლამდე გადაავადებს.

ჩვენთვის ცნობილია, რომ [კონსტიტუციის პროექტში] უკანასკნელი ცვლილებები სრულიად საპარლამენტო ოპოზიციისა და სამოქალაქო საზოგადოების უდიდესი უმრავლესობის მიერ გამოხატული წინააღმდეგობის მიუხედავად იქნა შეტანილი.

სინანულს გამოვთქვამთ რეფორმის გადამწყვეტ ეტაპაზე ჩართულობისა და კონსესუსის ნაკლებობის გამო.

თავიდანვე სხვადასხვა პოლიტიკურ ძალებთან, მთავრობასა თუ ოპოზიციასთან შეხვედრებისას ჩვენ მხარს ვუჭერდით ინკლუზიურ და კონსენსუსზე დაფუძნებულ პროცესების წარმართვას. გთხოვთ, დარწმუნებული იყავით, რომ ვაგრძელებთ დამატებით ძალისხმევას რათა მიღწეული იყოს რეფორმის ფართო და გრძელვადიან კონსესუსზე დაფუძნება.”- აღნიშნულია მოგერინის წერილში.