"ქართული ოცნების" მერობის კანდიდატი, კახა კალაძე ეროვნულ დემოკრატიულ ინსტიტუტს ხელოვნური სურათის შექმნაში ადანაშაულებს.

როგორც კალაძემ დღეს NDI-ის ახალი კვლევის კომენტირებისას განაცხადა, ის პირველივე ტურში გაიმარჯვებს.

“მაქსიმალურად ცდილობენ, რომ საზოგადოებაში დაამკვიდრონ მოსაზრება, რომ მეორე ტური არის გარდაუვალი. ეს ამ ორგანიზაციის მიერ მიზანმიმართულად ხდება. მინდა დაგარწმუნოთ, რომ თბილისის და თბილისელების მხარდაჭერით არჩევნები დედაქალაქში პირველივე ტურში დასრულდება. ჩვენ საარჩევნო კამპანია ჯერ არ დაგვიწყია და თუნდაც ის 30% რაც მოცმეულია მეტყველებს იმაზე, რომ ქართულ ოცნებას და მის კანდიდატს ძალიან დიდი მხარდაჭერა აქვს" - განაცხადა კალაძემ.

ეროვნულ დემოკრატიულმა ინსტიტუტმა საქართველოში საზოგადოებრივი აზრის კვლევის პოლიტიკური ნაწილი გაასაჯაროვა.

კითხვაზე ხვალ რომ თბილისის მერის არჩევნები ტარდებოდეს ვის მისცემდით ხმას პასუხები ასე გადანაწილდა: კახა კალაძე - 30%, ალეკო ელისაშვილი - 19%, ზაალ უდუმაშვილი - 18%, ელენე ხოშტარია - 5%.