"შემოდგომაზე შედეგი გაცილებით სხვა იქნება და სრულიად რადიკალური სურათი გვექნება"- უდუმაშვილი

პოლიტიკა - 15:53, 27 Jul, 2017

790

NDI-ის საზოგადოებრივი აზრის მორიგი კვლევის შედეგებს "ნაციონალური მოძრაობის" თბილისის მერობის კანდიდატი გამოეხმაურა.

ზაალ უდუმაშვილის თქმით, რეიტინგების თვალსაზრისით, შემოდგომაზე გაცილებით უკეთესი სურათი იქნება. მან ხაზი გაუსვა იმ გარემოებას, რომ კვლევის მიხედვით ხელისუფლების რეიტინგი რეკორდულად ეცემა.

"კვლევამ კიდევ ერთხელ დაადასტურა, თუ რამდენი პრობლემაა თბილისში დაგროვილი და გადაუწყეტელი, რომელსაც ხელისუფლება ვერ აგვარებს. კიდევ ერთი და ძალიან მნიშვნელოვანი ფაქტორი, არის ის რომ ხელისუფლების რეიტინგი რეკორდულად ეცემა. ეს იმას ნიშნავს, რომ თბილისელები ითხოვენ ცვლილებებს და ეს ცვლილებები ძალიან მალე მოხდება. შემოდგომაზე შედეგი გაცილებით სხვა იქნება და სრულიად რადიკალური სურათი გვექნება რეიტინგების თვალსაზრისით. მე ველოდები გამარჯვებას, თუმცა ამ შემთხვევაში მეორე ტური გარდაუვალია"- განაცხადა ზაალ უდუმაშვილმა.

NDI-ის საზოგადოებრივი აზრის კვლევის შედეგების მიხედვით, კითხვაზე ხვალ რომ თბილისის მერის არჩევნები ტარდებოდეს, ვის მისცემდით ხმას? – შედეგები ასე გადანაწილდა: მოსახლეობიდან ხმების 30%-ს კახა კალაძე მიიღებდა, 19%-ს – ალეკო ელისაშვილი, 18%-ს ზაალ უდუმაშვილი, ხოლო ელენე ხოშტარია – 5%-ს.