ეროვნულ დემოკრატიულმა ინსტიტუტმა საქართველოში საზოგადოებრივი აზრის კვლევის პოლიტიკური ნაწილი გაასაჯაროვა.

კვლევის შედეგების თანახმად არჩევნებზე ქართველ დამკვირვებლებს ენდობა 33%, ნეიტრალური დამოკიდებულება აქვს 42%-ს , არ ენდობა 21%, არ იცის 4%-მა.

რაც შეეხება უცხოელ დამკვირვებლებს 44% ენდობა, მათ ნეიტრალური დამოკიდებულება აქვს 36%-ს, არ ენდობა 15%, არ იცის 4%-მა.

29%-ი ფიქრობს რომ ცენტრალური საარჩევნო კომისია ადგილობრივი თვითმმართველობის არჩევნებს კარგად ჩაატარებს, 47% ფიქრობს რომ საშუალოდ, 9% მიაჩნია რომ ცუდად, არ იცის 14%-მა.

აღნიშნული გამოკითხვა 2017 წლის 18 ივნისი-9 ივლისის პერიოდში, საქართველოს მასშტაბით 2,261 პირისპირ ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 2,2 პროცენტი.