საქართველოს მესამე პრეზიდენტისთვის, მიხეილ სააკაშვილისთვის უკრაინის მოქალაქეობის ჩამორთმევას , „ერთიანი ნაციონალური მოძრაობის“ წევრი ხატია დეკანოიძე ეხმაურება და „პოლიტიკურ დევნას“ უწოდებს:

„უაღრესად გულდაწყვეტილი ვარ იმით, რომ ქვეყანა და ხელისუფლება, ვგულისხმობ უკრაინის ხელისუფლებას, რომლის დეკლარირებული კურსი არის პროდასავლური, ევროატლანტიკურ სივრცეში გაწევრიანება, რეალურად, პოლიტიკური დევნის მეთოდებს იყენებს ერთერთი ყველაზე ძლიერი ოპოზიციური პარტიის წინააღმდეგ. რეალურად, ეს არის პოლიტიკური დევნა. გახსოვთ ალბათ, იანუკოვიჩი, რომელმაც დააპატიმრა იულია ტიმოშენკო, ზუსტად მსგავსი პრეცედენტია. ძალიან ცუდია, რომ ოლიგარქიული რეჟიმი, რომელიც ახლა სამწუხაროდ, არის უკრაინის ხელისუფლებაში, მიმართავს ასეთ პოლიტიკურ დევნას“ - განაცხადა ხატია დეკანოიძემ.

მიხეილ სააკაშვილისთვის უკრაინის მოქალაქეობის ჩამორთმევის შესახებ ინფორმაცია დღეს გავრცელდა.

ის, რომ პეტრო პოროშენკო მისთვის მოქალაქეობის ჩამორთმევას აპირებდა სააკაშვილმა რამდენიმე ხნის წინ განაცხადა, მისი თქმით ამის მიზეზი გახდა ის რომ სააკაშვილნა უკრაინის ხელისუფლება კორუფციის ხელშეწყობაში დაადანაშაულა და მათ წინააღმდეგ ბრძოლა ოპოზიციური ფლანგიდან დაიწყო.