წაღვერის ტყეში გაჩენილი ხანძრის ლოკალიზება ამ დრომდე ვერ ხერხდება. როგორც „ნიუპოსტს“ საგანგებო სიტუაციების მართვის სააგენტოში განუცხადეს, ჯერჯერობით დამწვარი ტერიტორიის რეალური ფართობის დადგენა შეუძლებელია, რადგან იგი მუშა პროცესთან არის დაკავშირებული. თუმცა, პირველადი ინფორმაციით, ხანძარი 6 ათასი კვადრატული მეტრის ფართობზე გავრცელდა, მონაცემი სავარაუდოდ შეიცვლება.

„ნიუპოსტის“ ინფორმაციით, ადგილზე სასაზღვრო პოლიციის ვერტმფრენი აქტიურად მუშაობს, ასევე ხანძრის ლოკალიზებას 100-ზე მეტი მეხანძრე-მაშველი ცდილობს.

რაც შეეხება ადგილობრივ მოსახლეობას, საგანგებო სიტუაციების მართვის სააგენტოს ცნობით, ადგილობრივებს არავითარი საფრთხე არ ემუქრებათ.

შენიშვნა: მოყვანილი ფოტო არ ასახავს რეალობას