საკონსტიტუციო რეფორმასთან დაკავშირებით გამოკითხულთა 60%-ს ინფორმაცია არ აქვს- NDI კვლევა

პოლიტიკა - 13:32, 26 Jul, 2017

869

ეროვნულ დემოკრატიულმა ინსტიტუტმა ქვეყნის განვითარების კურსთან, საცხოვრებელ პირობებთან, ეროვნული და ადგილობრივი მნიშვნელობის საკითხებთან, ხელისუფლების საქმიანობასთან, საგარეო პოლიტიკასთან და მიმდინარე რეფორმებთან დაკავშირებით საზოგადოებრივი აზრის კვლევის შედეგები გაასაჯაროვა.

კვლევის შედეგების თანახმად საკონსტიტუციო რეფორმასთან დაკავშირებით მიმდინარე პროცესებზე გამოკითხულთა 60%-ს ინფორმაცია არ აქვს, ინფორმირტებულია 32%, არ იცის 8%-მა. საკონსტიტუციო ცვლილებებთან დაკავშირებით გამართულ საჯარო შეხვედრებს გამოკითხულთა მხოლოდ 2% დასწრებია, 89%- აცხადებს, რომ ასეთ შეხვედრაში მონაწილეობა არ მიუღია. არ იცის 9%-მა.

გამოკითხულთა იმ ნაწილიდან, რომელსაც საკონსტიტუციო ცვლილებების შესახებ სმენია 32 % მიიჩნევს რომ ეს ცვლილებები მოქალაქეების შეხედულებებს საერთოდ არ ასახავს. 47% მიიჩნევს, რომ ნაწილობრივ ასახავს, 6%-ის აზრით ეს ცვლილებები მოქალაქეების შეხედულებებს სრულად ასახავს, 15%-მა არ იცის.

კვლევის საველე სამუშაოები 18 ივნისი - 9 ივლისის პერიოდში 2,261 პირისპირ ინტერვიუს წარმომადგელობითი შერჩევის საფუძველზე საქართველოს მასშტაბით (ოკუპირებული ტერიტორიების გამოკლებით) ჩატარდა. კვლევის ცდომილება +/- 2,2 %-ია.