7 თვითმმართველი ქალაქისთვის სტატუსის ჩამორთმევა მიუღებელია 59%-სთვის

7 თვითმმართველი ქალაქისთვის სტატუსის ჩამორთმევა მიუღებელია 59%-სთვის - NDI კვლევა

პოლიტიკა - 13:18, 26 Jul, 2017

986

ეროვნულ დემოკრატიულმა ინსტიტუტმა ქვეყნის განვითარების კურსთან, საცხოვრებელ პირობებთან, ეროვნული და ადგილობრივი მნიშვნელობის საკითხებთან, ხელისუფლების საქმიანობასთან, საგარეო პოლიტიკასთან და მიმდინარე რეფორმებთან დაკავშირებით საზოგადოებრივი აზრის კვლევის შედეგები გაასაჯაროვა.

კვლევის შედეგების თანახმად საქართველოს მასშტაბით 7 ქალაქისთვის (ამბროლაური, ახალციხე, გორი, ზუგდიდი, თელავი, მცხეთა და ოზურგეთი) თვითმმართველი ქალაქის სტატუსის ჩამორთმევის შესახებ სმენია 52%-ს , არ სმენია 44 %-ს, არ იცის 4%-მა. აღნიშნული ცვლილება მიუღებელია 59%-სთვის, მისაღებია 16%-სთვის, არ იცის 24%-მა, პასუხზე უარი განაცხადა 1%-მა.

45%-ი მიიჩნევს რომ აღნიშნულ ცვლილებას ქვეყანაზე უარყოფითი გავლენა ექნება, 11% თვლის რომ გავლენა დადებითი იქნება, 18%-ის აზრით გავლენა საერთოდ არ ექნება, ხოლო არ იცის 25%-მა.

კვლევის საველე სამუშაოები 18 ივნისი - 9 ივლისის პერიოდში 2,261 პირისპირ ინტერვიუს წარმომადგელობითი შერჩევის საფუძველზე საქართველოს მასშტაბით (ოკუპირებული ტერიტორიების გამოკლებით) ჩატარდა. კვლევის ცდომილება +/- 2,2 %-ია.