პროფესიონალიზმის ნაკლებობა და ნეპოტიზმი, რა პრობლემებს ხედავს მოსახლეობა ადგილობრივ ხელისუფლებაში

პროფესიონალიზმის ნაკლებობა და ნეპოტიზმი, რა პრობლემებს ხედავს მოსახლეობა ადგილობრივ ხელისუფლებაში - NDI კვლევა

პოლიტიკა - 12:17, 26 Jul, 2017

1122

ეროვნულ დემოკრატიულმა ინსტიტუტმა ქვეყნის განვითარების კურსთან, საცხოვრებელ პირობებთან, ეროვნული და ადგილობრივი მნიშვნელობის საკითხებთან, ხელისუფლების საქმიანობასთან, საგარეო პოლიტიკასთან და მიმდინარე რეფორმებთან დაკავშირებით საზოგადოებრივი აზრის კვლევის შედეგები გაასაჯაროვა.

კვლევის შედეგების თანახმად ადგილობრივი მთავრობის საქმიანობას უარყოფითად აფასებს გამოკითხულთა 19%, ძალიან ცუდად კი 9%, საშუალოდ 52%, კარგად 14%, ხოლო ძალიან კარგად 2%, არ იცის 3% მა.

58 % თვლის, რომ ადგილობრივ ხელისუფლებაში პროფესიონალიზმის ნაკლებობაა, 46 %-ს მიაჩნია, რომ ხელისუფლებაში ნეპოტიზმის პრობლემა არსებობს, 35% კი ადგილობრივ ხელისუფლებაში კორუფციის პრობლემებზე მიუთითებს.

საკრებულოების მუშაობით უკმაყოფილოა 15%, კმაყოფილი 21%, ხოლო ნეიტრალური პოზიცია აქვს 46%, მერიის და რაიონის გამგეობების მუშაობით უკმაყოფილოა 18%, ნეიტრალური დამოკიდებულება აქვს 45%, ხოლო კმაყოფილია 20%.

გამოკითხულთა 86% აცხადებს რომ ბოლო 12 თვის განმავლობაში საკრებულოსთან შეხება არ ქონია, 12%-ს ქონია ურთიერთობა, არ იცის 1%-მა. რაც შეეხება მერიის და რაიონის გამგეობებს, ამ დაწესებულებებთან შეხება არ ქონია გამოკითხულთა 80%-ს, შეხება ქონია 17%, არ იცის 1%-მა.

კვლევის საველე სამუშაოები 18 ივნისი - 9 ივლისის პერიოდში 2,261 პირისპირ ინტერვიუს წარმომადგელობითი შერჩევის საფუძველზე საქართველოს მასშტაბით (ოკუპირებული ტერიტორიების გამოკლებით) ჩატარდა. კვლევის ცდომილება +/- 2,2 %-ია.