ეროვნულ დემოკრატიულმა ინსტიტუტმა ქვეყნის განვითარების კურსთან, საცხოვრებელ პირობებთან, ეროვნული და ადგილობრივი მნიშვნელობის საკითხებთან, ხელისუფლების საქმიანობასთან, საგარეო პოლიტიკასთან და მიმდინარე რეფორმებთან დაკავშირებით საზოგადოებრივი აზრის კვლევის შედეგები გაასაჯაროვა.

კვლევის შედეგების თანახმად გამოკითხულთა 38% თავს დასაქმებულად, 62% კი დაუსაქმებლად მიიჩნევს. იმ ადამიანებიდან ვინც თავს დაუსაქმებლად თვლის, სამსახურს ეძებს 39%.

კვლევა ჩატარდა ოჯახების დანახარჯი/შემოსავალთან დაკავშიებითაც. გამოკითხულთა უმრავლესობის 24%-ის თქმით მათი დანახარჯი ყოველთვიურად 301-500 ლარია , 18%-სთვის 181-300 ლარი, 1600 ლარზე მეტი დანახარჯი აქვს მხოლოდ 4%-ს. შემოსავლის მიხედვით კი ყველაზე მაღალია იმ ადამიანების რაოდენობა 22% , რომელთაც შემოსავალი 301-500 ლარამდე აქვთ, 181-300 ლარი აქვს შემოსავალი 18%-ს, 501-800 ლარამდე 13%-ს , ხოლო 1600 ლარზე მეტი მხოლოდ 3%-ს.

ამასთანავე 51% მიაჩნია, რომ მისი ეკონომიკური მდგომარეობა მომდევნო 12 თვის განმავლობაში იგივე დარჩება, 22% თვლის რომ ნაწილობრივ გაუმჯობესდება, 10% აცხადებს, რომ ნაწილობრივ გაუარესდება, 2%-ს მიაჩნია რომ ძალიან გაუარესდება, არ იცის 14%-მა ხოლო 1%-ს იმედი აქვს რომ ეკონომიკური მდგომარეობა ძალიან გაუუმჯობესდება.

კვლევის საველე სამუშაოები 18 ივნისი - 9 ივლისის პერიოდში 2,261 პირისპირ ინტერვიუს წარმომადგელობითი შერჩევის საფუძველზე საქართველოს მასშტაბით (ოკუპირებული ტერიტორიების გამოკლებით) ჩატარდა. კვლევის ცდომილება +/- 2,2 %-ია.