ვენეციის კომისიის პრეზიდენტის საპასუხო წერილი მიიღო გუშინ ოპოზიციამ. 15 ოპოზიციურმა პარტიამ ვენესიის კომისიას რამდენიმე დღის წინ მიმართა. ჯანი ბუკიკიოს წერილში ხაზგასმულია, რომ ვენეციის კომისია, კვლავაც რჩება იმ პოზიციაზე, რომ საკონსტიტუციო რეფორმასთან დაკავშირებით გამოსავალი დიალოგშია, რომლის მიზანი ფართო კონსენსუსის მიღწევა უნდა იყოს და ის ვენეციის კომისიის დეპულებებს უნდა ეფუძნებოდეს.

„ნიუპოსტთან“ საუბრისას მმართველი გუნდის წარმომადგენელმა თამარ ხულორდავამ განაცხადა, რომ ხელისუფლება საკონსტიტუციო ცვლილებებზე ოპოზიციასთან დიალოგისთვის მზად არის:

„დიალოგს და კონსესუსს სჭირდება ორივე მხარის მზადყოფნა და ორივე მხარის განწყობა იმისთვის, რომ ეს დიალოგი და კონსესუსი შედგეს, ვიმედოვნებ, რომ ამის შესაძლებლობა არსებობს. არის გარკვეული საკითხები, რომლებიც გადახედვას ვერ დაექვემდებარება ბუნებრივია, რაც შეეხება ულტიმატუმს, ამ ენას სწორედ ოპოზიცია იყენებს ხელისუფლებასთან საუბრისას, როგორც ირკვევა აქვთ არაერთი მოთხოვნა, რომლის დაუკმაყოფილებლობის შემთხვევაშიც არ არინ მზად მოლაპარაკებებისთვის.