„ევროპულმა საქართველომ“ პარტიის სოციალური პროგრამის პრეზენტაცია მე-3 მასივში გამართა

პოლიტიკა - 10:56, 26 Jul, 2017

856

„ევროპული საქართველოს“ მერობის კანდიდატმა ელენე ხოშტარიამ პარტიის სოციალური პროგრამის პრეზენტაცია სამგორის რაიონის მე 3 მასივში გამართა. პარტიის გეგმებს ადგილობრივები გაეცნენ, რომელთა დიდი ნაწილი სოციალურად დაუცველია და წლებია ხელისუფლებისგან დახმარებას ითხოვს. დღესვე ევროპული საქართველოს მერობის კანდიდატმა ელენე ხოშტარიამ , მოსახლეობას სამგორის, მესამე მასივის მაჟორიტარი კანდიდატი თამაზ ქავთარაძე წარუდგინა. პროგრამის დეტალებზე „ევროპული საქართველოს“ მერობის კანდიდატმა და პარტიის ერთერთმა ლიდერმა გიგი უგულავამ ისაუბრეს. მათი თქმით, თბილისის მერია ბიუროკრატიულ ხარჯებზე 200 მილიონამდე ლარს ხარჯავს და პოლიტიკური ნების შემთხვევაში, ამ თანხების ოპტიმალურად გამოყენებაა შესაძლებელი.

ჩემი მერობის პირველივე 100 დღეში 203 000 პენსიონერისთვის პენსია გაიზრდება 50 ლარით, ხოლო მიზნობირივი სოციალური დახმარება ყველაზე გაჭირვებული ოჯახებისთვის გაზრდება 150-დან 520 ლარამდე. თბილისის მერია მხოლოდ ბიუროკრატიაზე ხარჯავს დაახლოებით 190 მილიონ ლარს. სწორედ ბიუროკრატიის განახევრებისა და არამიზნობრივი, ფუფუნებაზე დახარჯული თანხების გაუქმებისა და შემცირების ხარჯზე შესაძლებელია პენსიის 50 ლარით ზრდა და ყველაზე გაჭირვებული ოჯახებისთვის 150-ლარიდან 520 ლარამდე სოციალური დახმარების მიცემა. არის სამსახურები, რომლებშიც ადამიანები არაფერში იღებენ ხელფასს. ცხოველთა მონიტორინგის სამსახური. ადმინისტრაციული ხარჯი - 3 მილიონი ცხოველების მოვლა - 230 000 ლარი. მანქანები და საწავი - 8,7 მილიონი (2015 წლიდან 2016 წლამდე თითქმის 4- ჯერ გაიზარდა) ცნობისათვის, თბილისის მერიას 281 მანქანა ემსახურება, ხოლო ლონდონის მერიას არც ერთი. პრემიები და დანამატები - 18 მილიონი ლარი.“- განაცხადა ელენე ხოშტარიამ.