საქართველოს მხარდამჭერი დოკუმენტი - აშშ-ს კონგრესი დღეს უყრის კენჭს რუსეთისთვის ახალი სანქციების დაწესების კანონპროექტს

პოლიტიკა - 08:59, 25 Jul, 2017

1755

რუსეთისა და ირანისთვის დამატებითი სანქციების შესახებ კანონპროექტში, რომელის აშშ-ოს კონგრესმა გამოაქვეყნა, საქართველოზეც არის საუბარი. კანონპროექტს კენჭი დღეს უნდა ეყაროს.

დოკუმენტში საუბარია რუსეთის მიერ აღბული ვალდებულებების დარღვევაზე, რომელიც მან 2008 წელს სამხრეთ ოსეთისა და აფხაზეთის უკანონო ოკუპაციით და 2014 წელს ყირიმის ანექსიის შედეგად აიღო. კონგრესი ხაზს უსვამს, რომ რუსეთი არღვევს 2008 წელს გაფორმებული შეთანხმების პირობებს, რომელიც მოითხოვს რუსეთის ჯარების გაყვანას, სამხრეთ ოსეთსა და აფხაზეთში ჰუმანიტარული ჯგუფების თავისუფალ გადაადგილებას და კონფლიქტის ზონაში ევროკავშირის სადამკვირვებლო მისიის მონიტორინგს.

კონგრესი მოუწოდებს აშშ-ს პრეზიდენტს, მოსთხოვოს რუსეთის ხელისუფლებას გაიყვანოს თავისი შეიარაღებული ძალები საქართველოს ტერიტორიიდან, უკრაინიდან, მოლდოვადან და კონტროლი აღნიშნული ტერიტორიების საზღვრებზე ამ ქვეყნების ხელისუფლებების ხელში გადავიდეს.

კონგრესის დოკუმენტში ნათქვამია, რომ რუსეთის მიერ უკრაინასა და საქართველოში სადაზვერვო ოპერაციების გამოყენება, საფრთხეს წარმოადგენს ევროპისა და ევრაზიის ქვეყნებს. კონგრესი აღნიშნავს, რომ შეერთებულმა შტატებმა უნდა გააძლიეროს მუშაობა ევროკავშირთან, რათა მიმართოს სხვადასხვა სახის ძალისხმევას რუსეთის აგრესიის წინააღმდეგ.

დოკუმენტში ხაზგასმულია, რომ შეერთებული შტატები განაგრძობს ტერიტორიული ცვლილებების არაღიარების პოლიტიკას, რომელიც რუსეთის მიერ ძალის გამოყენებითა და უკანონო შეჭრით არის განხორციელებული აფხაზეთში, სამხრეთ ოსეთში, ყირიმში, აღმოსავლეთ უკრაინასა და დნესპრისპირეთში.