საოკუპაციო ზოლთან სამოქალაქო აქტივისტები პატრულირებას იწყებენ

პოლიტიკა - 08:44, 25 Jul, 2017

1386

საოკუპაციო ზოლთან მცოცავი უკანონო ქმედებებისა და მცოცავი ოკუპაციის შესაჩერებლად დღეიდან სამოქალაქო აქტივისტების 3-კაციანი ჯგუფები 24 საათიან პატრულირებას იწყებენ.

აქტივისტები ამ ეტაპზე ყარაფილა-ბერშუეთის მონაკვეთს გააკონტროლებენ. ისინი პატრულირებაში ჩართვისკენ მოუწოდებენ ყველა მსურველს. აქტივისტების განმარტებით, ყველა დეტალი სამართალდამცავებთან შეთანხმებულია.

„ჩვენ ვიპატრულირებთ საზღვართან ძალიან ახლოს, თუმცა მინდა გითხრათ, რომ ჩვენ შეთანხმებული გვაქვს და კოორდინირებულად ვმუშაობთ ჩვენს ძალოვან სტრუქტურებთან. რისკის ფაქტორი ბუნებრივია, არსებობს ვინაიდან, რუსი ოკუპანტები არ ერიდებიან არცერთ ხერხს იმისთვის, რომ გაიტაცონ მშვიდობიანი მოსახლეობა მიმდებარე ტერიტორიებიდან. შესაბამისად, ჩვენც მათ რიცხვში მოგვიაზრებენ ალბათ. თუმცა, ჩვენ მაქსიმალურად შევეცდებით ჩვენი ჯგუფები ავარიდოთ ამ საფრთხეებს,“ - განაცხადა ქაცარავამ.

შეგახსენებთ, რომ ორი დღის წინ სოფელ ბერშუეთში ოკუპანტებმა საქართველოს ორი მოქალაქე ზაზა ბერიანიძე და ლევან ტურაშვილი სამების ეკლესიის მიმდებარე ტერიტორიიდან ე.წ. საზღვრის უკანონო გადაკვეთის ბრალდებით გაიტაცეს. ისინი ამ დრომდე არ გაუთავისუფლებიათ და ცხინვალის ციხეში ჰყავთ მოთავსებული.