"ქართულმა ოცნებამ 11 ობიექტი გადაწვა"- პროკურატურასთან საპროტესტო აქცია გაიმართა

პოლიტიკა - 14:11, 24 Jul, 2017

2711

პროკურატუასთან „ბავშვთა სამყაროს“ ხანძრით დაზარალებულმა მოვაჭრეებმა საპპროტესტო აქცია გამართეს, ისინი ხანძრის მიზეზების დროულ გამოძიებას და ზარალის ანაზღაურებას ითხოვდნენ. ერთ-ერთმა დაზარალებულმა შიმშილობა დაიწყო. აქციაზე ასევე იმყოფებოდნენ ადვოკატთა ასოციაციის თავმჯდომარე ზაზა ხატიაშვილი და თბილისის მერობის დამოუკიდებელი კანდიდატი ალეკო ელისაშვილი.

ზაზა ხატიაშვილმა „ბავშვთა სამყაროს“ ხანძრის არასათანადო გამოძიებაზე გაამახვილა ყურადღება და განაცხადა, რომ მიუხედავად 11 სავაჭრო ობიექტში გაჩენილი ხანძრისა, გამოზიებას ექსპერტიზის პასუხები არ აქვს, რაც იმას მიანიშნებს, რომ ხელისუფლება ემზადება ახალი შენობების გადასაწვავად.

„შენობები გადაიწვა, ექსპერტიზის დასკვნები არ გვაქვს, ეს ადასტურებს, რომ ხელისუფლება ემზადება ახალი შენობების გადასაწვავად. ამას ფაშისტები აკეთებდნენ, როცა სოფლებს წვავდნენ და მეორე აკეთებს „ქართული ოცნება“, რომელმაც 11 ობიექტი გადაწვა. ჩვენ ვიბრძოლებთ ყველანი, ყველა წესიერი ადამიანი, რომ ის ადამიანები, ვინც მათ მფარველობენ, დასხდნენ საბრალდებო სკამზე და მთავარი პროკურორი უნდა მოშორდეს აქედან,“ - განაცხადა ზაზა ხატიაშვილმა.

მერობის დამოუკიდებელი კანდიდატის ალეკო ელისაშვილის თქით, გამოძიების გაჭიანურება აღრმავებს ეჭვებს, რომ ხანძარი მიზანმიმართულად გაჩნდა:

„ყოველდღე ღრმავდება ეჭვი რომ შეგნებულად მოხდა „ბავშვთა სამყაროს“ დაწვა. თუ არა და გამოძიებაზე რაიმე შუალედური მაინც თქვან. შოთაძე უნდა გადადგეს. მილიონი მიზეზია უკვე იმისთვის, რომ ეს არაფრის მაქნისი კაცი წავიდეს თანამდებობიდან“- განაცხადა ალეკო ელისაშვილმა.