,,ბოკერია დღეს არის ,,ქართული ოცნება“, ეს უნდა იცოდეს ყველამ“

,,ბოკერია დღეს არის ,,ქართული ოცნება“, ეს უნდა იცოდეს ყველამ“ - სანდრო ბრეგაძე

პოლიტიკა - 20:32, 23 Jul, 2017

7523

აღმაშენებელზე გამართულ აქციაზე, ევროპული საქართველოსა და ქართული მარშის წევრებს შორის დაძაბულობას ჰქონდა ადგილი. ქართული მარშის მხარდამჭერებმა ევროპული საქართველოს წევრებს ბოთლები და ცოცხები ესროლეს. ისმოდა შეურაცხმყოფელი სიტყვები პარტიის ლიდერების მისამართით.

თავის მხრივ ქართული მარშის ორგანიზატორები აცხადებდნენ, რომ პოლიცია ევროპული საქართველოს ლიდერების ინტერესებს ატარებდა და ისინი ხალხს შეურაცხყოფას აყენებდნენ.

,,ბოკერია დღეს არის ,,ქართული ოცნება“. ბოკერია და ოცნება არის ერთი გუნდი, ეს უნდა იცოდეს ყველამ. ეს ყველაფერი მოხდა ვითომ რომ სააკაშვილი დაესუსტებინათ, სინამდვილეში მოხდა ის, რომ მკვლელები და ჯალათები შეიერთა ქართულმა ოცნებამ. ეს არის პოლიტიზირებული პოლიცია, რომელიც ბოკერის გულისთვის დედას აგინებდა ხალხს. ასემც უქნია ქართულ ოცნებას, რომ ბოკერია დაუსვია პრემიერად, ჩვენ არ დავუშვებთ ამ ქვეყანაში გაყიდული ჯალათების პარპაშს. დღეს ჩვენ საქართველოს პატრიარქის თხოვნა შევასრულეთ და ათასობით ადამიანი დავტოვეთ სახლში, მეორედ ჩვენ ხალხს სხლში აღარ დავტოვებთ და ეს იცოდეს ყველამ“ - განაცხადა აქციაზე სანდრო ბრეგაძემ.